بین الاقوامی فوڈ پورٹل کی لال قلعہ کے ساتھ شراکت
بذریعہ انٹرنیٹ، موبائل فون و دیگر کمیونیکیشن ڈیوائیسزمقامی صارفین کو من پسند کھانے انکی دہلیز پر پہنچا سکے گا
اتوار 20 اگست 2017 19:12
(جاری ہے)
سُپر مِیل پاکستان کے تحت کھانے پینے کی معیاری اشیاء صارفین کے دروازے پر انتہائی رعایتی قیمت پر دستیاب ہوں گی اور اپنی تیز رفتاری کی بدولت پاکستانی عوام بھی ایسے لائف اسٹائل سے محظوظ ہوسکیں گے جو اب تک صرف ترقی یافتہ ممالک کا خاصہ رہا ہے۔
اس سلسلے میں دونوں اداروں کے درمیاںشراکتی معاہدے پر دستخط کی ایک خصوصی تقریب لال قلعہ ہیڈ کوارٹرز کراچی میں منعقد کی گئی جس میں جناب وقار شاہ، سی ای او سپر میل، جناب ظہیر یوسف، ڈائریکٹر لال قلعہ ریسٹورنٹ، محمد کبیر خان، ہیڈ آف بزنس ڈیویلپمینٹ و مارکیٹنگ سپر میل پاکستان اور دیگر سینئر عہداداران نے شرکت کی۔ یہ معاہدہ سُپر میل کی پاکستان سمیت دنیا کے مختلف ممالک میں مقامی ریستورانوں و کھانے پینے کے مراکز کے ساتھ فرنچائز کی بنیاد پر شراکت قائم کرتے ہوئے عالمی کاروباری توسیع کی ایک کڑی ہے جس سے فائدہ اٹھاتے ہوئے تمام چھوٹے بڑے ریستوران و طعام خانے ای کامرس کے دنیا کے سب سے جدید، سہل و برق رفتار نظام کا حصہ بن کر اپنے کاروبار کو خوب سے خوب ترکی طرف لے جاسکتے ہیں۔ اس موقع پر اپنے خطاب میں سُپر مِیل پاکستان کے سی ای او جناب وقار شاہ گیلانی نے کہا کہ سپرمیل یوکے نے گزشتہ ماہ صرف ایک مہینے کے قلیل عرصے میں برمنگھم برطانیہ میں واقع 74ریستورانوں کے ساتھ شراکتی معاہدے استوار کرتے ہوئے انہیں اپنے نیٹ ورک کا حصہ بنایا اور تقریباً 17475برطانوی پائونڈ کے مالیت کی موبائل ایپس مقامی ریستورانوں کو فروخت کیں۔ سپرمیل تیزی کے ساتھ آئر لینڈ میں بھی اپنی جگہ بنارہا ہے اور آئر لینڈ کے دارلحکومت ڈبلن میں واقع ملک کے صنعتی، تجارتی و ٹیکنالوجی مرکز سٹی ویسٹ بزنس پارک میں اپنے قدم جما چکا ہے۔ اتنے مختصر سے عرصے میں سپر میل کی فقیدالمثال کامیابی سے یہ ثابت ہوتا ہے کہ سپر میل پاکستان ملک کے چھوٹے بڑے شہروں میں واقع ریستورانوں کی ترقی و مجموعی تجارتی فروغ کے لیے کس قدر سود مند ثابت ہوگا۔ انہوں نے مزید کہا کہ سُپر مِیل(www.Supermeal.pk) پاکستان میں کھانے پینے کی اشیاء کی ترسیل سے متعلق موجودہ رجحانات کو یکسر تبدیل کرنے جارہا ہے اور انتہائی برق رفتار ہونے کے ساتھ ساتھ سپر میل اپنے جدید خطوط پر استوار کردہ نِت نئے فیچرز سے پاکستانی عوام کی زندگیوں میں انقلاب برپا کرنے جارہا ہے۔ سُپر میل پاکستان جسے پہلے فُورٹل کے نام سے جانا جاتا تھا فیس بُک اور گوگل کی طرح اپنے علاقائی پارٹنروں و فرنچائزکے لیے مکمل طور پر مربوط و منظم آن لائن پلیٹ فارم ہے جوملکی فوڈ سیکٹر کے آن لائن آرڈر وصول کرنے اور انکی ترسیل سے متعلق تمام مسائل و تحفظات کا تدارک کرتے ہوئے انہیں جدید ترین ٹیکنالوجی سے ہمکنار کرتا ہے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.