سوڈک ،مٹی کے تودے گرنے سے متعدد گاڑیاں ٹکرا گئیں

حادثہ طوفانی بارشوں کے باعث پیش آیا ، اسی زخمی افراد کو ریسکیو ٹیموں نے طبی امداد کیلئے ہسپتال پہنچادیاگیا

اتوار 20 اگست 2017 13:10

سوڈک (اُردو پوائنٹ اخبارتازہ ترین - این این آئی۔ 20 اگست2017ء) مشرقی یورپ کے ملک کریمیا کے پہاڑی علاقے سوڈک میں طوفانی بارشوں کے باعث مٹی کے تودے گرنے سے حادثہ ہو گیا ،متعدد گاڑیاں ٹکرا گئیں ، سواروں کو معمولی چوٹیں آئیں ۔ دو روز سے جاری طوفانی بارشوں کے باعث مٹی کے تودے گر گئے ۔

(جاری ہے)

میڈیارپورٹص کے مطابق حادثہ رات گئے پیش آیا جس میں گاڑیاں آپس میں ٹکرا کر ایک دوسرے پر چڑھ گئیں ۔ گاڑیوں میں سوار اسی افراد کو ریسکیو اہلکاروں نے نکالا ۔ خوش قسمتی سے تمام افراد کو معمولی چوٹیں آئیں ، دوسری جانب شدید بارش کی وجہ سے چھ قصبوں میں سیلاب آگیا ۔ فائر فائٹرز اور ریسکیو اداروں کے اہلکار گھروں میں پھنسے لوگوں کی امداد کو پہنچ گئے ۔