بھارت میں خاوند نے آلو کی بھجیا بنانے سے انکار پر بیوی کا قتل

ہفتہ 19 اگست 2017 12:05

نئی دہلی۔ (اُردو پوائنٹ اخبارتازہ ترین - اے پی پی۔ 19 اگست2017ء) بھارت میں نشے میں دھت شوہر نے بیوی کو آلو کی بھجیا بنانے سے انکار پر قتل کردیا۔ذرائع ابلاغ کے مطابق وارانسی ضلع کے روہنیا تھانہ حلقہ کے پرشوپور گاؤں کا رہائشی گوملا اپنی بیوی آشا، ایک بیٹی و دو بیٹوں کے ساتھ پرشو پور میں رہ کر اینٹ بھٹے پر مزدوری کررہا تھا۔

(جاری ہے)

رات آشا نے کھانے میں دال اور روٹی بنائی تھی۔ شراب کے نشے میں چور رنجیت گھر پہنچا اور دال روٹی دیکھ کربھڑک گیا اور آلو کی بھجیا بنانے کو کہا جس پر اس نے انکار کردیا۔بیوی پر اینٹ و لات گھونسے سے بے تحاشہ حملہ کرنے والے شوہر کا نشہ تب اترا جب بیوی زندگی کی بازی ہارگئی۔ پولیس نے ملزم کو گرفتار کرنے کے بعد لاش کو پوسٹ مارٹم کیلئے بھیج دیا۔