پاک بحریہ کی کمانڈ اینڈ اسٹاف کانفرنس نیول ہیڈ کوارٹرز میںاختتام پذیر،آپریشنل تیاریوں،ترقیاتی منصوبوں اور موجودہ میری ٹائم صورت حال پرتبادلہ خیال

ْ چیلنجز سے بھر پور ، پیچیدہ اور بدلتے ہوئے موجودہ سکیورٹی صورت حال میں پاکستان نیوی بحرہند میں امن و استحکام کے قیام میں اپنا اہم کردار ادا کرتی رہے گی،فیلڈ کمانڈرز تیاریوں کے اعلیٰ معیار اور اپنے ایریاز آف ریسپنسیبلٹی میں مستقل مستعدی کو برقرار رکھیں،چیف آف دی نیول اسٹاف ایڈمرل محمد ذکاء اللہ کاپاک بحریہ کی کمانڈ اینڈ اسٹاف کانفرنس سے خطاب

جمعہ 18 اگست 2017 20:10

اسلام آباد (اُردو پوائنٹ اخبارتازہ ترین - آئی این پی۔ 18 اگست2017ء) چیف آف دی نیول اسٹاف ایڈمرل محمد ذکاء اللہ نے کہا ہے کہ چیلنجز سے بھر پور ، پیچیدہ اور بدلتے ہوئے موجودہ سکیورٹی صورت حال میں پاکستان نیوی بحرہند میں امن و استحکام کے قیام میں اپنا اہم کردار ادا کرتی رہے گی،فیلڈ کمانڈرز تیاریوں کے اعلیٰ معیار اور اپنے ایریاز آف ریسپنسیبلٹی میں مستقل مستعدی کو برقرار رکھیں۔

جمعہ کو پاک بحریہ کی کمانڈ اینڈ اسٹاف کانفرنس نیول ہیڈ کوارٹرز اسلام آباد میں اختتام پذیر ہو گئی۔کانفرنس کی صدارت چیف آف دی نیول اسٹاف ایڈمرل محمد ذکاء اللہ نے کی۔کانفرنس کے دوران پاک بحریہ کی آپریشنل تیاریوں،ترقیاتی منصوبوں اور موجودہ سیکیوٹی صورت حال سے متعلق مختلف اُمور کا جائزہ لیا گیا۔

(جاری ہے)

چیف آف دی نیول اسٹاف کو پاک بحریہ کے مختلف جاری اور مستقبل کے منصوبوں اور پاک چین اقتصادی راہداری کے میری ٹائم پہلوکے حوالے سے گوادر بندر گاہ کی آپریشنل سرگرمیوں اورسکیورٹی پر بریفنگ دی گئی۔

سکیورٹی کی موجودہ صورت حال کا جائزہ لیتے ہوئے چیف آف دی نیول اسٹا ف نے موجودہ میری ٹائم چیلنجز کے تناظر میں پاکستان نیوی کی آپریشنل تیاریوں پر اطمینان کا اظہار کیا۔ پاکستان کے میری ٹائم اثاثوں کی حفاظت اورمیری ٹائم انفراسٹرکچر کے دفاع کے سلسلے میں پاکستان نیوی کے صمیم عزم کا اظہار کرتے ہوئے نیول چیف نے پاکستان کی میری ٹائم سرحدوں کا ہر قیمت پر دفاع کرنے کے لئے پاک بحریہ کے غیر متزلزل عزم اورپختہ عہد کو دہرایا ۔

نیول چیف نے کہا کہ چیلنجز سے بھر پور ، پیچیدہ اور بدلتے ہوئے موجودہ سکیورٹی صورت حال میں پاکستان نیوی بحرِ ہند میں امن و استحکام کے قیام میں اپنا اہم کردار ادا کرتی رہے گی۔ انہوں نے فیلڈ کمانڈرز پر زور دیا کہ وہ تیاریوں کے اعلیٰ معیار اور اپنے ایریاز آف ریسپنسیبلٹی میں مستقل مستعدی کو برقرار رکھیں۔نیول چیف نے اعلیٰ پیشہ ورانہ صلاحیتوں اور مشترکہ آپریشنز کرنے کی صلاحیت کے حصول کے لئے قانون نافذ کرنے والی ایجنسیوں اور اداروں کے ساتھ مل کر باقاعدگی کے ساتھ ساحلی سکیورٹی کی مشقوں کے انعقاد پر زور دیا ۔

نیول چیف نے موجودہ میری ٹائم چیلنجز سے نبرد آزما ہونے کے لئے پاکستان نیوی کی آپریشنل تیاریوں پر اطمینان کا اظہار کیا اور پاک بحریہ کے ٹروپس کے بلند جذبے اور لگن کو سراہا۔ کمانڈ اینڈ اسٹاف کانفرنس کوپا ک بحریہ کی فیصلہ سازی کے نہایت اہم اجلاس کی حیثیت حاصل ہے جس میں تمام پرنسپل اسٹاف آفیسرز اور فیلڈ کمانڈرز پاک بحریہ کی دفاعی پالیسیوں اور منصوبوں کا جائزہ لیتے ہیں۔

متعلقہ عنوان :