جرمن مسیحا رتھ فا ئوکی آخری رسومات سرکاری اعزاز کے ساتھ کل ادا کی جائیں گی

پنجاب حکومت نے رتھ فا ئوکی وفات پر سرکاری عمارات پر ہفتہ کے روز پرچم سرنگوں رکھنے کا نوٹیفکیشن جاری کردیا

جمعہ 18 اگست 2017 12:05

جرمن مسیحا رتھ فا ئوکی آخری رسومات سرکاری اعزاز کے ساتھ کل ادا کی جائیں ..
کراچی(اُردو پوائنٹ اخبارتازہ ترین - این این آئی۔ 18 اگست2017ء) جرمن مسیحا رتھ فا ئوکی آخری رسومات سرکاری اعزاز کے ساتھ کل(ہفتہ ) ادا کی جائیں گی۔ پنجاب حکومت نے رتھ فا ئوکی وفات پر سرکاری عمارات پر ہفتہ کے روز پرچم سرنگوں رکھنے کا نوٹیفکیشن جاری کردیاہے۔جذام/کوڑھ کے مریضوں کا علاج کرنے والی ڈاکٹر رتھ فائو بدھ کو رات گئے کراچی میں انتقال کر گئی تھیں۔

(جاری ہے)

آنجہانی ڈاکٹر رتھ فائو کی آخری رسومات ہفتہ کو کراچی صدر میں واقع سینٹ پیٹرکس چرچ میں ادا کی جائیں گی۔ انسانیت کیلئے عظیم خدمات پر رتھ فائو کی آخری رسومات سرکاری اعزاز کے ساتھ ادا ہوں گی۔ پنجاب حکومت نے ان کی خدمات کے اعتراف میں ایک روزہ سوگ منانے کااعلان کرتے ہوئے پرچم سرنگوں رکھنے کا فیصلہ کیا ہے۔ پنجاب حکومت کی جانب سے ہفتہ کے روز تمام سرکاری عمارتوں میں پرچم سرنگوں رکھنے کا نوٹیفکیشن بھی جاری کردیا گیا ہے۔

متعلقہ عنوان :