امریکہ کا حزب المجاہدین کو دہشت گرد تنظیم قرار دینا دنیا بھر کی آزادی پسند قوموں کی آزادی کو سلب کرنے کے مترادف ہے،
کہ الیکشن سے قبل انتخابی اصلاحات کے نفاذ کو یقینی بنایا جائے ،سیاسی قیادت الیکشن اصلاحات کے نفاذ کیلئے مشترکہ لائحہ عمل دے ۔الیکشن ریفارمز کے بغیر انتخابات محض چہرے بدلنے کی ریہرسل ہے ،انتخابات میں دولت کے بے دریغ استعمال کورو کنااورانتخابی بے قاعدگیوں کا ذمہ دار براہ راست پریزائیڈنگ آفیسر کو قرار دیا جائے ،اربوں روپے خرچ کرکے اور ووٹ خرید کر الیکشن جیتنا سب سے بڑی دھاندلی ہے امیر جماعت اسلامی سینیٹر سراج الحق کامنصورہ میںپارلیمانی بورڈ کے اجلاس سے خطاب
جمعرات 17 اگست 2017 23:12
(جاری ہے)
امریکہ کی طرف سے حزب المجاہدین کو دہشت گرد تنظیم قرار دینا دنیا بھر کی آزادی پسند قوموں کی آزادی کو سلب کرنے کے مترادف ہے ۔ٹرمپ مودی کی محبت میں تمام اصولوں کو فراموش کرچکا ہے ۔ان خیالات کا اظہار انہوں نے منصورہ میں اپنی صدارت میں ہونے والے جماعت اسلامی کے مرکزی پارلیمانی بورڈ کے اجلاس سے خطاب کرتے ہوئے کیا ۔
اجلاس میں سیکرٹری جنرل جماعت اسلامی لیاقت بلوچ ،نائب امراء حافظ محمد ادریس ،اسد اللہ بھٹو،راشد نسیم ،میاں محمد اسلم ،ڈاکٹر فرید احمد پراچہ پروفیسر محمد ابراہیم ،ڈپٹی سیکرٹری جنرل محمد اصغر ،امیر جماعت اسلامی پنجاب میاں مقصود احمد ،امیر جماعت اسلامی خیبر پختونخواہ مشتاق احمد خان و دیگر نے شرکت کی ۔سینیٹر سراج الحق نے کہا کہ پارلیمنٹ کی انتخابی اصلاحات کیلئے تشکیل دی گئی کمیٹی نے کچھ عرصہ قبل انتخابات میں بہتری کیلئے جو تجاویز دی تھیں ابھی تک ان پر عمل درآمد نہیں ہوسکا اور نہ انتخابات میں دھاندلی روکنے کا کوئی فول پروف نظام دیا گیا ہے ۔سیاست کو جاگیر دار وڈیر ے اور سرمایہ دار اپنے گھر کی لونڈی سمجھتے ہیں ،سیاسی پارٹیوں کے اپنے اندر جمہوریت نام کی کوئی چیز نہیں بلکہ اکثر سیاسی جماعتیں خاندانی پراپرٹی بن گئی ہیں ،چند خاندانوں نے سیاست اورجمہوریت کویرغمال بنا رکھا ہے ۔انہوں نے کہا کہ الیکشن کمیشن اپنی نگرانی میں سیاسی جماعتوں کے اندر انتخابات کروائے تاکہ سیاسی جماعتوں سے موروثیت کو ختم کیا جاسکے ۔ الیکشن میں اربوں روپے خرچ کرکے اور ووٹ خرید کر اسمبلیوں میں پہنچنے والے عوام کی بجائے اپنی خدمت میں لگ جاتے ہیں اور پھر الیکشن پر خرچ کی گئی رقم کا کئی گنا وصول کرتے ہیں ،کرپشن اور بددیانتی کرنے والے انتخابی نظام کی کمزوریوں کا فائدہ اٹھا کراسمبلیوں میں پہنچ جاتے ہیں ۔انہوں نے کہا کہ موجودہ انتخابی سسٹم میں عام آدمی الیکشن میں حصہ لینے کا سوچ بھی نہیں سکتا۔سینیٹر سراج الحق نے کہا کہ الیکشن ریفارمز کے بغیر انتخابات ایکسرسائز فار نتھنگ کے سوا کچھ نہیں ۔اس لئے ضروری ہے کہ فوری طور انتخابی اصلاحات کے نفاذ کو یقینی بنایا جائے اور انتخابات کے اعلان کا انتظار نہ کیا جائے ۔انہوں نے کہا کہ بار ہا ایسا ہوا ہے کہ انتخابات سے قبل انتخابی اصلاحات کے وعدے اور دعوے کئے گئے مگر جب انتخابات کا ڈول ڈالا گیا وہی خرابیاں اور خامیاں سامنے آئیں جن کو دور کرنے کے عزم کا اظہار کیا گیا تھا ۔انہوں نے کہا کہ وزیر اعظم شاہد خاقان عباسی کو اس طرف فوری توجہ دینے کی ضرورت ہے ۔سینیٹر سراج الحق نے کہاکہ حزب المجاہدین کشمیریوں کی مقامی تنظیم ہے اور گزشتہ کافی عرصے سے بھارت سے آزادی کے لیے جدوجہد کر رہی ہے ۔ امریکہ کی طرف سے اسے دہشتگرد تنظیم قرار دے کر اس پر پابندی لگانا عالمی قوانین کی کھلم کھلا خلاف ورزی ہے ۔ انہوں نے کہاکہ دنیا بھر میں آزادی کی تحریکیں چل رہی ہیں ، حزب المجاہدین پر محض بھارت کی خوشنودی کے لیے پابندی لگانا قرین انصاف نہیں ہے ۔مزید اہم خبریں
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.