رکن صوبائی اسمبلی راجہ فیصل زمان نے گورنمنٹ ہائی سکول خانپور میں آئی ٹی لیب کا افتتاح کر دیا

جمعرات 17 اگست 2017 16:30

ہری پور۔ (اُردو پوائنٹ اخبارتازہ ترین - اے پی پی۔ 17 اگست2017ء) مسلم لیگ (ن) کے رکن صوبائی اسمبلی راجہ فیصل زمان نے گورنمنٹ ہائی سکول خانپور میں آئی ٹی لیب کا افتتاح کر دیا۔ پراجیکٹ پر ڈیڑھ کروڑ روپے لاگت آئی ہے۔ حلقہ پی کی49- سے مسلم لیگ (ن) کے رکن صوبائی اسمبلی راجہ فیصل زمان نے گورنمنٹ ہائی سکول خانپور میں تیار ہونے والی نئی آئی ٹی لیب کا افتتاح کر دیا۔

پراجیکٹ پر ڈیڑھ کروڑ روپے لاگت آئی۔

(جاری ہے)

اس موقع پر راجہ فیصل زمان نے کہا کہ کسی بھی معاشرہ کی ترقی کا راز تعلیم میں پوشیدہ ہے، آج وہ قومیں دنیا پر حکمرانی کر رہی ہیں جنہوں نے تعلیم کو اپنا شعار بنایا اور اپنی آنے والی نسلوں کو تعلیم کے جدید خطوط سے متعارف کروایا، اس وقت پوری دنیا گلوبل ویلج میں داخل ہو چکی ہے۔ مذکورہ لیب کے قیام سے گورنمنٹ ہائی سکول کے طلباء بھی جدید تعلیم سے روشناس ہو سکیں گے، لہٰذا صوبائی حکومت خانپور کے دیگر سکولوں میں بھی جدید آئی ٹی لیب کے قیام کیلئے اقدامات کرے۔