آسٹریلوی کرکٹ ٹیم (آج) بنگلہ دیش پہنچے گی ،ْ کینگروز 22 اگست کو دو روزہ ٹور میچ سے دورے کا آغاز کریں گے

جمعرات 17 اگست 2017 15:00

ڈھاکہ (اُردو پوائنٹ اخبارتازہ ترین - این این آئی۔ 17 اگست2017ء) آسٹریلوی کرکٹ ٹیم سٹیون سمتھ کی قیادت میں جیت کا عزم لئے (آج) جمعہ کو بنگلہ دیش روانہ ہو گی جہاں پر وہ میزبان ٹیم کے خلاف دو ٹیسٹ میچوں کی سیریز کھیلے گی۔ کینگروز 22 اگست کو دو روزہ ٹور میچ سے دورے کا آغاز کریں گے۔

(جاری ہے)

طے شدہ شیڈول کے تحت آسٹریلوی ٹیم (آج )جمعہ کو بنگلہ دیش پہنچے گی اور ایک روز آرام کے بعد پریکٹس کا آغاز کرے گی، اس کے بعد آسٹریلوی ٹیم 22 اگست کو دو روزہ ٹور میچ کھیلے گی، آسٹریلیا اور بنگلہ دیش کے درمیان دو ٹیسٹ میچوں پر مشتمل سیریز کا پہلا ٹیسٹ 27 سے 31 اگست تک شیر بنگلہ نیشنل سٹیڈیم، میرپور جبکہ دوسرا اور آخری ٹیسٹ 4 سے 8 ستمبر تک چٹاگانگ میں کھیلا جائے گایاد رہے کہ آسٹریلوی ٹیم نے اس سے قبل 2015ء کے آخر میں بنگلہ دیش کا دورہ کرنا تھا تاہم سیکیورٹی خدشات کے باعث کینگروز نے دورے سے دستبرداری اختیار کر لی تھی۔