شریف خاندان کے خلاف ریفرنسز کے حکم پر من وعن عمل ہوگا ،ْنیب

کہ سپریم کورٹ کا حکم بہت واضح ہے ،ْ نیب نے پہلے چار ریفرنسز پر کام شروع کردیا ہے ،ْترجمان نواز ش علی

بدھ 16 اگست 2017 13:39

شریف خاندان کے خلاف ریفرنسز کے حکم پر من وعن عمل ہوگا ،ْنیب
اسلام آباد (اُردو پوائنٹ اخبارتازہ ترین - این این آئی۔ 16 اگست2017ء) قومی احتساب بیورو (نیب) کے ترجمان نوازش علی نے کہا ہے کہ سپریم کورٹ کی جانب سے شریف خاندان کے خلاف کیسز کھولنے کیلئے ریفرنس دائر کرنے کے حکم پر اٴْس کی روح کے مطابق عمل کیا جائے گا۔ نجی ٹی وی سے گفتگو کرتے ہوئے نوازش علی کا کہنا تھا کہ سپریم کورٹ کا حکم بہت واضح ہے جبکہ نیب نے پہلے چار ریفرنسز پر کام شروع کردیا ہے۔

(جاری ہے)

انھوں نے کہا کہ ہمارا ادارہ اس معاملے میں بہت ہی شفافیت کے ساتھ کام کررہا ہے اور جن جن کے خلاف ریفرنسز کھولے جائیں گے ان کی فہرست بھی نیب کی ویب سائٹ پر جاری کردی گئی ہے۔انہوںنے کہا کہ موجودہ چیئرمین نیب نے جب اپنے عہدے کی ذمہ داری سنبھالی تھی تو اسی وقت انھوں نے فیصلہ کیا تھا کہ ان تمام کیسز کی فہرست تیار کی جائے جو کافی عرصے سے زیرِ التوا ہیں، ان کیسز میں کچھ ایسے کیس بھی ہیں جن پر 2002 سے کوئی کارروائی نہیں ہو سکی۔ترجمان نیب کے مطابق ان کے پاس اس وقت ایک ہزار 133 ایسے کیسز کی فہرست موجود ہے جن پر کارروائی نہیں ہوسکی تھی۔

متعلقہ عنوان :