کراچی، آئی جی سندھ اے ڈی خواجہ کی زیر صدارت ایپیکس فالو اپ اجلاس
امن وامان کی صورتحال اور نیشنل ایکشن پلان پر عمل درآمد اقدامات کا تفصیلی جائزہ، مزید ضروری احکامات ایسے تمام گرفتار ملزمان کے مکمل کوائف پر مشتمل ہر پندرہ روزہ رپورٹ برائے ملاحظہ ارسال کی جائے ،تاکہ پہلے مرحلے میں انسداد دہشت گردی عدالتوں سے اشتہاری قرار دیئے جانیوالے ملزمان کے نام ای سی ایل(ECL) میں ڈالنے کے اقدامات کیئے جاسکیں،اجلاس کے دوران ہدایت
منگل 15 اگست 2017 19:08
(جاری ہے)
تاکہ پہلے مرحلے میں انسداد دہشت گردی عدالتوں سے اشتہاری قرار دیئے جانیوالے ملزمان کے نام ای سی ایل(ECL) میں ڈالنے کے اقدامات کیئے جاسکیں۔
انہوں نے کہا کہ نیشنل ایکشن پلان پر اسکی روح کے مطابق عمل درآمد کو یقینی بنایا جائے اور اس تناظر میں ممکنہ نفرت آمیز مواد/لٹریچرز کی تقسیم کو صوبائی سطح پر سختی سے روکا جائے اور اس فعل کے مرتکبین کے خلاف سخت کاروائی کو ہر سطح پر ممکن بنایا جائے ۔جبکہ لاؤڈ اسپیکر ایکٹ پر بھی ہر سطح پرعمل درآمد کرایا جائے ۔انہوں نے تمام ڈی آئی جیزکواحکامات دیئے کہ فورتھ شیڈول لسٹ کا از سرنو جائزہ لیا جائے اوراندرون ہفتہ رپورٹ برائے ملاحظہ ارسال کی جائے ۔انہوں نے ایس ایس پیز سے کہا کہ فورتھ شیڈولر افراد کو طلب کرکے بذات خود تفصیلات لیں جبکہ تمام ایس ایچ اوز متعلقہ فورتھ شیڈول لسٹ کے افراد کو ہر ہفتے تھانہ طلب کریں اور اگر کوئی اس حوالے سے تعاون نہیں کرتا تو اسکی رپورٹ سی ٹی ڈی کو دیں تاکہ انکے بینک اکاؤنٹ منجمد اور انکے نام ای سی ایل میں ڈالنے کے اقدامات کیئے جاسکیں۔انہوں نے احکامات دیئے کہ سندھ میں قائم تمام مرکزی مزارات کا سیکیورٹی آڈٹ کیا جائے اور اس تناظر میں علاقوں کے کرائم انالیسز کو سامنے رکھتے ہوئے سیکیورٹی کے جملہ امور کو مذید مربوط اور مؤثر بنایا جائے ۔انہوں نے تمام ڈی آئی جیز کوانسداداسٹریٹ کرائمز اقدامات کومذید مؤثر بنانیکے احکامات دیتے ہوئے کہاکہ ایسے جرائم میں ملوث عناصر ،گروہوں اورانکے سرپرستوں کے خلاف کریک ڈاؤن کو ہر سطح پر تیز اور مؤثر بنایا جائے اور اس حوالے سے مجموعی امور کو غیرجانبدارانہ بنایا جائے ۔انہوں نے مذید کہا کہ تمام ایس ایچ اوز بوقت صبح نو بجے بینکوں کا وزٹ کریں اور بینکوں کے اے ٹی ایم(ATM) کے انر وآؤٹر سی سی ٹی وی کیمروں کو چیک کریں اور بینک انتظامیہ کو بینک سیکیورٹی مینول پر عمل درآمد کا پابند بنائیں تاکہ بینک رابریز کے انسدادی اقدامات کومذید بہتراور مؤثر بنایا جاسکے۔انہوں نے پولیس کلنگز پر اپنی تشویش کا اظہار کرتے ہوئے کہا کہ شہید ہونیوالے اہلکاروں کے کیسز میں ابتک ہونیوالی تفتیشی پیش رفت کو مذید مؤثر اور مربوط بناتے ہوئے ملوث دہشت گردوں کی جلدگرفتاریوں کو یقینی بنایا جائے ۔آئی جی سندھ نے کہا کہ ایس پی یو(SPU) کے ساتھ ساتھ ضلعی ایس ایس پیز پربھی ذمہ داری عائد ہوتی ہیکہ وہ سی پیک وترقیاتی امورسے وابستہ یا سندھ میں آنیوالے چائینیز باشندگان/ غیرملکیوں کی سیکیورٹی کو اپنی نگرانی/ سپروژن میں یقینی بنائیں۔#مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.