کشمیر کا مسئلہ گولی یا گالی سے نہیں بلکہ گلے مل کر حل ہو گا۔ مودی کی عقل ٹھکانے آ گئی

سمیرا فقیرحسین منگل 15 اگست 2017 11:32

نئی دہلی (اُردو پوائنٹ تازہ ترین اخبار۔ 15 اگست 2017ء) : بھارت میں آج یوم آزادی پورے جوش و جذبے سے منایا جا رہا ہے۔ اس موقع پر ایک تقریب سے خطاب کرتے ہوئے بھارتی وزیر اعظم نریندرا مودی نے بھارتی عوام کو جشن آزادی کے موقع پر مبارکباد پیش کی۔ تقریب سے خطاب میں انہوں نے کہا کہ مسئلہ کشمیر گولی یا گالی سے نہیں بلکہ گلے ملنے سے حل ہو گا۔ انہوں نے کہا کہ ہمیں مسئلہ کشمیر پر مل کر کام کرنا ہو گا۔

(جاری ہے)

نریندرا مودی نے کہا کہ نیا بھارت جمہوریت کی سب سے بڑی طاقت ہے۔جمہوریت صرف ووٹ تک محدود نہیں ہے۔ نئے بھارت کی جمہوریت ایسی ہو گی جس میں نظام کی بجائے عوام سے ملک چلے گا۔ پاکستان کا نام لیے بغیر اپنے خطاب میں نریندرا مودی نے کہا کہ جب سرجیکل اسٹرائیکس ہوئیں تو دنیا بھر نے بھارت کی طاقت کو تسلیم کیا۔ دہشتگردی کے خلاف جنگ میں ہم اکیلے نہیں ہیں۔ دنیا کے بہت سے ملک ہماری مدد کر رہے ہیں۔

Facebook Twitter Google + Share on Whatsapp

کشمیر کا مسئلہ گولی یا گالی سے نہیں بلکہ گلے مل کر حل ہو گا۔ مودی کی عقل ٹھکانے آ گئی

متعلقہ عنوان :

مزید اہم خبریں