کوئٹہ،70واں جشن آزادی ،بگٹی اسٹیڈیم میں آزادی پریڈ کا انعقاد ،پرچم کشائی

،گورنر،وزیراعلی، کمانڈر سدرن کمانڈ کی شرکت بلوچستان میں آج حالات ماضی کی نسبت یکسر مختلف ہیں ،جشن آزادی شایان شان طریقے سے منایا جارہا ہے ، صوبے کا کوئی حصہ ایسا نہیں ہے جہاں پاکستان زندہ باد کے نعرے نہ گونج رہے ہوں ،لیفٹیننٹ جنرل عامر ریاض

پیر 14 اگست 2017 21:31

کوئٹہ،70واں جشن آزادی ،بگٹی اسٹیڈیم میں آزادی پریڈ کا انعقاد ،پرچم ..

کوئٹہ (اُردو پوائنٹ اخبارتازہ ترین - این این آئی۔ 14 اگست2017ء) کوئٹہ میں پاکستان کی 70ویں جشن آزادی کی مناسبت سے کوئٹہ کے بگٹی اسٹیڈیم میں آزادی پریڈ کا انعقاد جوانوں کے بلند حوصلے اور ملی نغموں نے شرکا کا خون گرما دیا شہدائے پشین سٹاپ کے لیے ایک منٹ کی خاموشی اختیار کرتے ہوئے اس عزم کا اظہار کیا گیا کہ پاکستان کے خلاف ہونے والی تمام سازشوں کو ناکام بنا دیا جائیگا کوئٹہ کے بگٹی اسٹیڈیم میں 70 ویں جشن آزادی کی مناسبت سے آزادی پریڈ کا انعقاد ہوا جس میں گورنرمحمد خان اچکزئی ،وزیر اعلیٰ بلوچستان نواب ثنا اللہ خان زہری اور کمانڈر سدرن کمانڈ لیفٹیننٹ جنرل عامر ریاض نے پرچم کشائی کی اورپاک فوج کے چاک و چوبند دستوںنے قومی پرچم کو سلامی پیش کی ۔

تقریب کے مہمان خصوصی گورنر بلوچستان محمد خان اچکزئی تھے جبکہ صوبائی وزرا، ارکان اسمبلی، اعلیٰ سول و فوجی افسران سمیت شہریوں کی بڑی تعداد نے تقریب میں شرکت کی تقریب کا آغاز تلاوت کلام پاک سے ہوا تقریب میں ملک کے نامور گلوگاروں نے ملی نغمے پیش کیے۔

(جاری ہے)

جبکہ چینی فنکاروں نے پاکستان کی جشن آزادی کے موقع پر خصوصی طور پر آزادی پریڈ کی تقریب سے خطاب کرتے ہوئے کمانڈر سدرن کمانڈلیفٹیننٹ جنرل عامر ریاض نے کہا کہ بلوچستان میں آج حالات ماضی کی نسبت یکسر مختلف ہیں جشن آزادی پورے شایان شان طریقے سے منایا جارہاہے اور بلوچستان کا کوئی حصہ ایسا نہیں ہے جہاں پاکستان زندہ باد کے نعرے نہ گونج رہے ہوں تقریب کے اختتا م پر شاندار آتش بازی کا مظاہرہ کیا گیا۔