سابق وزیر اعظم محمد نواز شریف کی وطن عزیز کے 70ویں یوم آزادی کے موقع مزار اقبالؒ پر حاضری،

پھولوں کی چادر چڑھائی

پیر 14 اگست 2017 17:54

سابق وزیر اعظم محمد نواز شریف کی وطن عزیز کے 70ویں یوم آزادی کے موقع ..

لاہور۔ (اُردو پوائنٹ اخبارتازہ ترین - اے پی پی۔ 14 اگست2017ء) سابق وزیر اعظم محمد نواز شریف نے وطن عزیز کے 70ویں یوم آزادی کے موقع پر شاعر مشرق ڈاکٹر علامہ محمد اقبالؒ کے مزار پر حاضر ی دی اورپھولوں کی چادر چڑھائی ۔اس موقع پر بادشاہی مسجد کے خطیب مولانا عبدالخبیر آزاد نے ملکی سلامتی و خوشحالی کے لیے خصوصی دعا کروائی۔

(جاری ہے)

سابق وزیر اعظم کی مزار اقبالؒ پر حاضری کے موقع پر وفاقی وزیر داخلہ پروفیسر احسن اقبال ،وفاقی وزیر تجارت و مسلم لیگ ن لاہورکے صدر پرویز ملک ،وزیر ریلوے خواجہ سعد رفیق،حمزہ شہباز ،سینیٹر آصف کرمانی ،سینیٹر پرویز رشید، زعیم قادری،خواجہ احمد حسان ،میئر لاہور کرنل (ر)مبشر جاوید ،سیف الملوک کھوکھر ،شیخ روحیل اصغر ،رمضان صدیق بھٹی ،خواجہ عمران نذیر سمیت لیگی رہنمائوں اور کارکنوں کی کثیر تعداد موجود تھی۔

سابق وزیر اعظم نے مزار اقبالؒ پر مہمانوں کی کتاب میں اپنے تاثرات قلمبند کئے۔