بلوچستان حکومت کی جانب سے روس سے خریدا گیا ہیلی کاپٹر کوئٹہ پہنچ گیا

اتوار 13 اگست 2017 22:50

کوئٹہ(اُردو پوائنٹ اخبارتازہ ترین - این این آئی۔ 13 اگست2017ء) بلوچستان حکومت کاروس سے خریداگیاایم آئی 171ہیلی کاپٹر خریداری کے نو ماہ بعد کوئٹہ پہنچ گیا۔روس سے خریداگیاایم آئی 171ہیلی کاپٹر اتوار کی سہ پہر ساڑے تین بجے کوئٹہ ائیرپورٹ پر لینڈ کر گیا روس سے ایم آئی 171ہیلی کاپٹر کی خریداری حکومت بلوچستان کے پہلے سول معاہدے کی تحت عمل میں آئی یہ معاہدے گذشتہ برس دسمبر میں ہوا تھا ۔

(جاری ہے)

سرکاری ذرائع کے مطابق ہیلی کاپٹرروس سے ایک ارب 67کروڑ میں خریدا گیا ہے ہیلی کاپٹرکی درآمد پرکسٹم کوڈیوٹی اورٹیکس کی مد میں 50کروڑ روپے کی ادائیگی کردی گئی ہے یہ ہیلی پانچ جولائی کو خصوصی طیارے کے ذریعے روس سے لاہورپہنچا جہاں اسے دوبارہ سے جوڑاکر اصل حالت میں لایا گیا ہیلی کاپٹرلانے اورتربیت کیلئے پاکستان سے پائلٹ سمیت دورکنی ٹیم روس گئی تھی28نشستوں کاحامل ہیلی کاپٹرایمرجنسی اوردیگرضرورت کیاستعمال کیلئے خریداگیا ہے۔