کراچی میں 70واں یوم آزادی( آج)بھرپور قومی جوش و جذبے کے ساتھ منایا جائیگا
دن کا آغاز نماز فجر کے بعد وطن عزیز کی سلامتی و استحکام،قیام امن، ترقی وخوشحالی اور دہشت گردی کے خاتمے کی دعائوں سے کیا جائیگا مزار قائد پر صبح پرچم کشائی اور گارڈز کی تبدیلی کی پر وقار تقریب منعقد ہوگی جس میں گورنر سندھ وزیر اعلی سندھ ، صوبائی وزرااور مسلح افواج کے نمائندے شرکت کریں گے قائد اعظم محمد علی جناح کی پر قبر پر پھول چڑھائیں گے اور فاتحہ خوانی کریں گے جشن ازادی کے موقع پر سرکاری دفاتروں سمیت سیاسی ، سماجی و مذہبی تنظیمیں اپنے پنے دفاتر میں پرچم کشائی کرینگی سیاسی ، سماجی و مذہبی جماعتیں یوم آزادی کی مناسبت سے شہر میں ریلیاں نکالیںگی جبکہ فلاحی اداروں میں بھی خصوصی تقریبات منعقد ہوں گی
اتوار 13 اگست 2017 20:00
(جاری ہے)
جشن ازادی کے موقع پر سرکاری دفاتروں سمیت سیاسی ، سماجی و مذہبی تنظیمیں اپنے پنے دفاتر میں پرچم کشائی کرینگی، سیاسی ، سماجی و مذہبی جماعتیں یوم آزادی کی مناسبت سے شہر میں ریلیاں نکالیںگی جبکہ فلاحی اداروں میں بھی خصوصی تقریبات منعقد ہوں گی ۔
جشن آزادی کے حوالے سے کراچی کی سرکاری و نجی عمارتوں ،شاہراں ،گلی محلوں اور اہم مقامات کو قومی پرچم ،سبز جھنڈیوں اور برقی قمقموں سے سجایا گیا ہے اور ہر طرف سبز ہلالی پرچموں کی بہار ہے ،نوجوانوںاور بچوں میں آزادی کا جشن منانے کا جوش و خروش اور ملک سے اپنی والہانہ محبت کے اظہار کا جذبہ اور بڑھ گیا ہے ۔چودہ اگست کی مناسبت سے شہر بھر میں جگہ جگہ سڑکوں ، فٹ پاتھوں پر اسٹالز سجے ہوئے ہیں جہاں جھنڈیوں، بیجز، ہینڈ بینڈز،ہیئر بینڈز، بچیوں کے لیے ٹاپس،بالیاں، سفید و سبز ٹی شرٹس، قومی پرچم دستیاب ہیں اور ایکو سانڈ سسٹم نصب کیا ہوا جس میں اونچی آواز میں ملی نغمے چلائے جارہے ہیں ،شہریوں نے اپنی گاڑیوں پر بھی قومی پرچم لگائے ہوئے ہیں ۔ کراچی میں اتوار اور پیر کی شب جشن آزادی منانے کا آغاز ہوگیا، بیشتر علاقوں میں زبردست آتش بازی کا مظاہرہ کیاگیا، ملی نغمے چلائے گئے ، ڈھول کی تھاپ پر بھنگڑے ڈالے اور رقص بھی کیا جس کے بعد منچلے نوجوان موٹر سائیکلوں اور گاڑیوں پرریلیوں کی شکل میں نکل آئے اور آزادی کا جشن منایا۔اتوار کو تعطیل کے باعث سرکاری و نجی تعلیمی اداروں میں ایک روز قبل ہفتہ کو جشن آزادی کی تقریبا ت کا اہتمام کیا گیا جس میں اساتذہ نے پرچم کشا ئی کی جبکہ طلبانے ملی نغمے گائے، تھیٹرپیش کیے ،کوئز پروگراموں او ر بحث و مباحثہ میں بھی حصہ لیا۔ امن و امان کی صورتحال بہتر اور دہشت گردوں کے خلاف آپریشن رد الفساد کی کامیابی کی وجہ سے بھی شہریوں میں جشن آزادی منانے کا جوش و خروش دیدنی ہے ، یوم آزادی کی اس خوشی میں بچے بھی کسی سے پیچھے نہیں ہیں ،کھارادر میں واقع بابائے قوم قائد اعظم محمد علی جناح کی جائے پیدائش وزیر مینشن کو بھی برقی قمقموں سے سجایا گیا ہے ۔یوم آزادی کے حوالے سے ملی مسلم لیگ کے زیر اہتمام سفاری پارک سے مزار قائد تک آزادی کارواں نکلاجائیگاجس سے مختلف سیاسی و مذہبی جماعتوں کے رہنما خطاب کرینگے ،پاکستان عوامی تحریک لیاقت آباد سے مزار قائد تک ریلی نکالی گی، جامعہ بنوریہ میں بھی پرچم کشائی کی تقریب ہوگی جس کے بعد طلباٹیبلو اور ترانے پیش کریں گے ۔شہر میں آزادی کے جشن آزاد ی کی تقریبات دن بھر جاری رہیں گی۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.