تمباکو کی فصل کو ضلع صوابی کی زراعت ومعاشی ترقی میں کلیدی حیثیت حاصل ہے، پاکستان ٹوبیکو بورڈ اگر کاشتکاروں کے مسائل کا حل نہیں کرسکتا تو انہیں صرف تنخواہیں دینے کا کوئی جواز نہیں بنتا،پی ٹی سی اگر اپنا رویہ درست نہ کیا تو صوبائی اسمبلی میں ترمیم لاکر اس کے کردار کو ختم کردیا جائیگا، نئی قانون سازی سے ا یسا نظام متعارف کیا جائیگا جس سے کاشتکاروں کو براہ راست نمائندگی اور ان کے حقوق کا تحفظ یقینی بنایا جائیگا
سپیکر خیبر پختونخوا اسمبلی اسد قیصر کی تمباکو کا شتکاروں کے کثیر رکنی وفد سے ملاقات میں گفتگو
اتوار 13 اگست 2017 19:40
(جاری ہے)
اس موقع پر پاکستان تحریک انصاف کے ممبر قومی اسمبلی عاقب اللہ خان بھی موجود تھے۔وفد نے سپیکر خیبر پختونخوا اسمبلی کو اپنے مسائل کے بارے میں تفصیل طور پر آگاہ کرتے ہوئے بتایا کہ تمباکو ضلع صوابی میں سب سے زیادہ کاشت کی جانے والی اور منافع بخش فصل ہے۔
صوابی کی دونوں تحصیلوں میں تمباکو وسیع رقبے پر کاشت کی جاتی ہے اور یہاں کے کاشتکاروں کا زیادہ تر انحصار تمباکو کی فصل پر ہے اور اس ضلعے کے عوام کا سب سے بڑا ذریعہ آمدن ہے۔وفد نے سپیکر کو بتایا کہ تمباکو خریدنے والی کمپنیوں اور پاکستان ٹوبیکو بورڈ کے غیر سنجیدہ رویئے اور ناروا سلوک کے باعث آج صوابی کے تمام کا شتکارمعاشی طور پر زبوں حالی کا شکار ہو رہے ہیں ۔وفد نے مزید آگاہ کیا کہ تمباکو خریدنے والی کمپنیاں معاہدے کے باوجود ارزاں نرخوں پر کاشتکاروں سے فصل خریدنے پر کاشتکاروں کو مجبور کرتی ہیں اور پی ٹی سی بھی ان کے مسائل کے حل میں کو دلچسپی نہیں لیتا۔وفد نے بتایا کہ گزرتے وقت کے ساتھ مہنگائی میں اضافہ ہوتا جا رہا ہے لیکن تمباکو کی خرید کے نرخوں پر کو ئی نظر ثانی نہیں کی گئی۔انہوں نے کہا کہ قیمت خرید کے لئے نئے نرخ کا تعین انتہائی ناگزیر ہے۔سپیکر اسد قیصر نے وفد کو ان کے مسائل کو ترجیحی بنیادوں پر حل کرنے کی یقین دہانی کراتے ہوئے ڈپٹی کمشنر صوابی کو تمباکو کے کاشتکاروں کے نمائندوں، پاکستان ٹوبیکو بورڈ اور تمباکو خریدنے والی کمپنیوں کے ساتھ فوری طور پر اجلاس منعقد کرکے 15 ستمبر سے قبل کاشتکاروں کے تمام مسائل حل کرنے اور ان کے مطالبات کے مطابق تمباکو کی خرید کے لئے طریقہ کار وضع کرنے اور انہیں رپورٹ پیش کرنے کی بھی ہدایت کی۔سپیکر نے تمباکو کمپنیاں اور پی ٹی سی حکام کو بھی ہدایت کی کہ وہ کاشتکاروں کیے مسائل حل کرنے میںاپنا بھرپور کردار ادا کریں لیکن انہوں نے واضح کیا کہ حکومت کاشتکاروں کا استحصال بھی کسی صورت برداشت نہیں کرے گی۔انہوں نے ایم این اے عاقب اللہ خان کو بھی تمباکو کیکاشتکاروں کے مسائل کے حل کی نگرانی کا ٹاسک دیتے ہوئے کہا کہ وہ خود بھی کاشتکاروں کے مسائل کے حل کے لئے اپنا موئثر کردار ادا کرتے رہیں گے۔متعلقہ عنوان :
مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.