قومی رینکنگ سنوکر چیمپئن شپ (کل) شروع ہوگی

اتوار 13 اگست 2017 11:10

اسلام آباد ۔ (اُردو پوائنٹ اخبارتازہ ترین - اے پی پی۔ 13 اگست2017ء) پاکستان بلیئرڈ اینڈ سنوکر ایسوسی ایشن (پی بی ایس ای) کے زیر اہتمام نویں این بی پی قومی رینکنگ سنوکر چیمپئن شپ (کل) منگل سے این بی پی سپورٹس کمپلیکس کراچی میں شروع ہو گی جس میں ملک بھر سے ٹاپ 31 کیوئسٹ سمیت چار جونیئر کیوئسٹ بھی ٹائٹل کے حصول کیلئے ایکشن میں دکھائی دیں گے۔ محمد آصف ٹائٹل کا دفاع کریں گے۔

تفصیلات کے مطابق ایک ہفتے تک جاری رہنے والے ایونٹ کیلئے مجموعی طور پر ڈیڑھ لاکھ روپے کی انعامی رقم مختص کی گئی ہے۔

(جاری ہے)

فاتح کیوئسٹ کو60 ہزار روپے نقد انعام دیا جائے گا۔ ایونٹ میں شریک 35 کیوئسٹ کو چار مختلف گروپس میں تقسیم کیا گیا ہے، دفاعی چیمپئن محمد آصف کو گروپ ایف میں سہیل شہزاد، ابو صائم، آکاش رفیق اور عمر فاروق کا چیلنج درپیش ہو گا۔ کوالیفائنگ رائونڈ بیسٹ آف سیون، پری کوارٹر فائنلز اور کوارٹر فائنلز بیسٹ آف نائن، سیمی فائنلز بیسٹ آف 11 جبکہ فائنل بیسٹ آف 15 فریمز پر مشتمل ہو گا۔ منتظمین کا کہنا ہے کہ ایونٹ کے کامیاب انعقاد کو یقینی بنانے کیلئے تمام تر انتظامات مکمل کر لئے گئے ہیں۔ ٹورنامنٹ 22 اگست تک جاری رہے گا۔

Facebook Twitter Google + Share on Whatsapp

قومی رینکنگ سنوکر چیمپئن شپ (کل) شروع ہوگی

متعلقہ عنوان :

مزید کھیلوں کی خبریں