بلاول بھٹو کی چنیوٹ آمد کے موقع پر پولیس نے فیصل آبا د روڈ پرواقع تمام دکانوں کو زبردستی بند کروا دیا

اتوار 13 اگست 2017 00:40

چنیوٹ ۔ (اُردو پوائنٹ اخبارتازہ ترین - اے پی پی۔ 13 اگست2017ء) پاکستان پیپلز پارٹی کے چیئرمیں بلاول بھٹو کی چنیوٹ آمد کے موقع پر پولیس نے فیصل آبا د روڈ پرواقع تمام دکانوں کو زبردستی بند کروا دیا جس پر مقامی دوکانداروں نے شدید غم و غصہ کا اظہار کیا تفصیلات کے مطابق گزشتہ روز بلاول بھٹو کی چنیوٹ آمد کے موقع پر فیصل آباد روڈ گورنمنٹ ڈگری کالج کے قریب پولیس نے زبردستی تمام دکانوں کو بند کروا دیا سارادن دکانیں بند رہنے پر مقامی دکانداروں نے پولیس کے رویے پر احتجاج بھی کیا اور کہا کہ زبردستی دکانیں بند کروانا کہاں کا قانون ہے پولیس نے سارا دن فیصل آباد روڈ بھی بلاک رکھا جس کے باعث مقامی رہائشی افراد کو بھی شدید مشکلات کا سامنا کرنا پڑا۔