مسلم لیگ ن کی پارلیمانی میٹنگ میں طے ہے کہ آئینی اداروں کو مزید مضبوط کیا جائے گا ،
لیفٹیننٹ جنرل(ر) عبدالقیوم سپریم کورٹ کے فیصلے پر تحفظات ہیں اور آئینی اور قانونی حوالوں سے فیصلے کو چیلنج کیا جائے گا،عوامی عدالت سے رجوع کریں گے، نواز شریف کو پورا حق حاصل ہے وہ اپنی صفائی عوام کے سامنے پیش کریں،بے شک مسلم لیگ ن ہی نواز شریف اور شہباز شریف کی قیادت میں ملک کو درپیش موجودہ بحرانوں سے نجات دلا سکتی ہے چیئرمین دفاعی پیداوار کمیٹی لیفٹیننٹ جنرل(ر) عبدالقیوم کا پریس کانفرنس سے خطاب
ہفتہ 12 اگست 2017 17:59
(جاری ہے)
اس موقع پر اوورسیز پاکستان مسلم لیگ کے رہنما ابرار ملک، ممتاز تارڑبھی موجود تھے۔ جنرل عبدالقیوم نے کہا کہ جی ٹی روڈ پر عوام کے جم و غفیر نے یہ بات ثابت کر دی ہے کہ نواز شریف ہی ملک او ر قوم کے واحد لیڈر ہیں۔انہوں نے کہا کہ آنے والے دس مہینوں میں عدالتی اصلاحات، انتخابی اصلاحات اور فاٹا اصلاحات کی ضرورت ہے تاکہ ان اصلاحات کی موجودگی میں اگلے عام انتخابات منتخب ہوں تو یقینا بہترین منتخب لوگ سامنے آئیں گے۔
انہوں نے کہا کہ بڑے آئینی اداروں میں اگر کچھ کمزور لوگ موجود ہیں تو بہرحال ان کا بھی احتساب کیا جانا چاہیے۔ انہوں نے کہا کہ ملک میں عدلیہ کی تاریخ بھی کوئی زیادہ خوشگوار نہیں۔ جسٹس منیر نے نظریہ ضرورت ایجاد کیا پھر جسٹس ارشاد حسین نے ایک قدم بڑھ کر جنرل پرویز مشرف کو آئین میں ترمیم کرنے کا بھی اختیار دیا اور ذوالفقار علی بھٹو کا عدالتی قتل خیبر سے کراچی تک کسی نے تسلیم نہیں کیا۔لہٰذا عدلیہ کے کمزور فیصلوںپر ضرور بات ہونی چاہیے اور عدلیہ کے موجودہ فیصلے جس میں انہوں نے منتخب وزیراعظم کو گھر بھیجا ہے اس پر ملک کے آئینی ماہرین نے بھی شدید تحفظات کا اظہار کیا ہے۔ جنرل عبدالقیوم نے کہا کہ سی پیک منصوبہ شروع ہونے کے بعد اس میں اب کوئی شک نہیں کہ پاکستان کیخلاف بین الاقوامی سازش شروع ہو چکی ہے اور پچاس ارب ڈالرز سے زائد کی اس سرمایہ کاری کو روکنے کیلئے تمام پاکستان دشمن قوتیں سرگرم عمل ہیں اور اس بارے میں یقینا کچھ سیاسی افراد کی بھی خدمات حاصل کی گئی ہیں۔ انہوں نے کہا کہ 2018انتخابات کا سال ہے لہٰذا گرینڈ ڈائلاگ کا نواز شریف کا نظریہ حقیقت سے بہت قریب ہے اور اس ضمن میں ملک کی تمام سیاسی قوتوں کو یکجا ہوکر مشترکہ لائحہ عمل سامنے لانا ہوگا تاکہ ملک میں جمہوریت مضبوط ہو۔ انہوں نے کہا کہ ہائی کورٹ سے سزا پانے والے عمومی طور پر سپریم کورٹ میں بری ہو جاتے ہیں لہٰذا میاں محمد نواز شریف کو بھی یہ حق حاصل ہے کہ وہ نظر ثانی کی درخواست دائر کریں گے اور انہیں یقین ہے کہ سپریم کورٹ کا بڑا بینچ اس معاملے کو ضرور دیکھے گا۔ آخر میں یوم آزادی کیک بھی پریس کلب میں کاٹا گیا۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.