ہیلپنگ ہینڈ فار ریلیف اینڈ ڈویلپمنٹ کے زیر انتظام یوم پاکستان کی تقاریب کا آغاز

جمعہ 11 اگست 2017 19:50

اسلام آباد ۔ (اُردو پوائنٹ اخبارتازہ ترین - اے پی پی۔ 11 اگست2017ء) ہیلپنگ ہینڈ فار ریلیف اینڈ ڈویلپمنٹ کے زیر انتظام ہفتہ یوم پاکستان کی تقاریب کا آغاز ہو گیا۔ اس سلسلہ کی پہلی پروقار تقریب ہیلپنگ ہینڈ پاکستان کے مرکزی دفتر اسلام آباد میں منعقد ہوئی۔ اس موقع پر ’’آزادی کپ‘‘ کے نام سے کرکٹ ٹورنامنٹ کا انعقاد بھی کیا گیا۔ تقریب میںکرکٹ ٹورنامنٹ کی فاتح ٹیم کو ونر ٹرافی بھی دی گئی۔

تقریب کے مہمان خصوصی نامور سائنسدان ڈاکٹر نور محمد قاضی تھے۔ نور محمد قاضی نے تقریب سے خطاب کرتے ہوئے کہا کہ میں قیام پاکستان کے عینی شاہدین میں سے ہوں۔ پاکستان الله کی ایک نعمت ہے، اس کی قدر کرنے کی ضرورت ہے، یوم آزادی کی شاندار تقاریب اہل پاکستان کی زندہ دلی کی روشن علامت ہیں۔

(جاری ہے)

اس موقع پر کنٹری ڈائریکٹر ہیلپنگ ہینڈ فضل الرحمن نے اپنی گفتگو میں کہا کہ ’’ہفتہ جشن آزادی‘‘ کے نام سے منعقد ان تقاریب کا مقصد نئی نسل کو پاکستان کی آزادی کی اہمیت کا احساس دلانا اور ان میںجذبہ حب الوطنی کو پروان چڑھانے کے ساتھ پاکستان کے ان عظیم رہنمائوں کو خراج عقیدت بھی پیش کرنا مقصود ہے جن کی مسلسل لگن اور لازوال قربانیوں کی بدولت اہل پاکستان کو آزادی کی نعمت حاصل ہوئی۔

ہیلپنگہینڈ اس سال یوم آزادی کی تقاریب پاکستان کے چاروں صوبوں سمیت آزاد کشمیر اور گلگت بلتستان میں جوش و خروش کے ساتھ منعقد کر رہی ہے۔ انہوں نے مزید کہا کہ ملک کی آزادی کا دن پاکستان میں رہنے والوں کیلئے ایک خوشی کا دن ہے۔ ان تقاریب میں بچوں، خواتین اور عوام کی بڑی تعداد بھی شرکت کرے گی۔ جشنِ آزادی کے حوالہ سے کیک بھی کاٹے جائیں گے اور پرچم کشائی بھی کی جائے گی۔