پاکستان اور چین نے تین درجن سے زائد تجارتی معاہدوں پر دستخط کردیئے

325 ملین ڈالرز لاگت سے زائد سازوسامان بیجنگ برآمد کیا جائے گا، رپورٹ

جمعہ 11 اگست 2017 18:23

پاکستان اور چین نے تین درجن سے زائد تجارتی معاہدوں پر دستخط کردیئے

اسلام آباد(اُردو پوائنٹ اخبارتازہ ترین - آن لائن۔ 11 اگست2017ء) پاکستان اور چین نے تین درجن سے زائد تجارتی معاہدوں پر دستخط کردیے ہیں جس کے ذریعی325 ملین ڈالرز لاگت سے زائد سازوسامان بیجنگ برآمد کیا جائے گا۔ اس کامقصد بزنس پر پڑنے والے پرائیویٹ تاجروں اور بزنس مینوں کے خدشات کو دور کرنا ہے جو حکومتی سطح کے تجارت سے پڑنے والے تھے۔

(جاری ہے)

میڈیا رپورٹس کے مطابق معاہدوں پر دستخط کی تقریب اسلام آباد میں منعقد ہوئی تھی جس میں 18 چینی کمپنیوں نے 38 تجارتی معاہدے کئے جس کی لاگت325 ملین ڈالرز ہے۔

ان معاہدوں کے ذریعے الیکڑک کاپر، فش میل،سمندری غذا اور سنگ مرمر سمیت دیگر اشیاء کی برآمد کو آسان بنایا جائے گا۔تقریب میں پاکستان میں چینی سفیرونگ ڈانگ اور ٹی ڈیپ کے سیکرٹری امان خان بھی موجود تھے۔