سینئر جج کیساتھ بدتمیزی ، لاہور ہائیکورٹ کا احاطہ نعرہ بازی کا مرکز بن گیا

جمعہ 11 اگست 2017 18:18

لاہور (اُردو پوائنٹ اخبارتازہ ترین - آن لائن۔ 11 اگست2017ء) لاہور ہائی کورٹ کے سینئر جج کیساتھ بدتمیزی کے معاملے پر سماعت سے قبل لاہور ہائیکورٹ کا احاطہ نعرہ بازی کا مرکز بن گیا، ممکنہ تصادم کے پیش نظر پولیس کی بھاری نفری تعینات ہائی کورٹ میں تعینات کی گئی۔

(جاری ہے)

چیف جسٹس کے کمرہ عدالت کی طرف جانیوالے تمام راستے سیل رہے اور وکلاء سمیت کسی بھی شخص کو عدالت کی طرف جانے کی اجازت نہ دی گئی۔ جس کے بعد شیر زمان کے حمایتی وکلا نے احاطہ عدالت میں ہی شیرزمان کے حق میں نعرے بازی شروع کر دی۔جس کے جواب میں عدلیہ کے حامی وکلاء کا ایک گروہ بھی چیف جسٹس سید منصور علی شاہ اور ہائی کورٹ کی حمایت میں جمع ہو گیا اور عدلیہ کے ساتھ اظہار یکجہتی کرتے رہے۔