اسلام آباد کی فضائیں ملی نغموں کی دھنوں سے گونجنے لگیں،

ہر طرف قومی پرچم لہرا گئے

جمعہ 11 اگست 2017 14:31

اسلام آباد ۔ (اُردو پوائنٹ اخبارتازہ ترین - اے پی پی۔ 11 اگست2017ء) وفاقی دارالحکومت اسلام آباد کی فضائیں ملی نغموں کی دھنوں سے گونجنے لگی،گاڑیوں پر قومی پرچم لہرانے لگے، پبلک ٹرانسپورٹ کے ساتھ ساتھ پرائیویٹ گاڑیوں میں اونچی آواز سے نغمے لگا کر وطن سے محبت کا اظہار کر رہے ہیں۔

(جاری ہے)

سی ڈی سٹالز پر بھی ملی نغموں کی سی ڈی یو ایس بیز پر ترانے اور ملی نغمے لوڈ کرانے کاکام بھی بڑھ گیا ہے۔ نوجوانوں نے خاص طورپر اپنی گاڑیوں کے سی ڈی پلیئر، ڈیک ، بوفرز تیار کر لئے ہیں۔ ہر سو ملی نغموں کی دھنیں فضائوں میںگونج رہی ہیں اور ہر شخص اپنے انداز میں جشن منانے کے لئے تیار ہے۔ 14 اگست کو بھرپور جوش وخروش اورملی جذبے کے ساتھ وطن عزیز کے 70واں یوم آزادی جشن منایا جائے گا۔

Facebook Twitter Google + Share on Whatsapp

اسلام آباد کی فضائیں ملی نغموں کی دھنوں سے گونجنے لگیں،

ہر طرف قومی پرچم لہرا گئے

مزید قومی خبریں