ضلعی انتظامیہ لاہور نے یومِ آزادی کے حوالے سے شہر بھر میں تقریبات کا آغاز کر دیا ‘ سمیر احمد سید

پیر 7 اگست 2017 19:17

لاہور (اُردو پوائنٹ اخبارتازہ ترین - این این آئی۔ 07 اگست2017ء) ڈپٹی کمشنر لاہور سمیر احمد سید نے کہا ہے کہ یومِ آزادی کے حوالے سے شہر بھر میں تقریبات کا آغاز کر دیا گیا ہے اور اس ضمن میں لاہور ایجوکیشن (اتھارٹی) نے اپنا پلان ڈپٹی کمشنر لاہور کے دفتر میں جمع کروا دیا ہے۔انہوں نے بتایا کہ لاہور ایجوکیشن (اتھارٹی) نے آج سے شہر کے تمام سکولوں میں سپیشل صفائی ستھرائی مہم کا آغاز کر دیا ہے۔

ڈپٹی کمشنر لاہور سمیر احمد سید نے کہا کہ 70واں یو م آزادی کے حوالے سے ایجوکیشن (اتھارٹی)کے افسران اس صفائی ستھرائی مہم میں بھر پور حصہ لے رہے ہیں اور سکولوں میں سفیدی،واش رومز،کلاس رومز اور گرائونڈز کی صفائی ستھرائی کی جا رہی ہے اور سکولوں کے گیٹس اور دیواروں پر قومی پرچم لگائے گئے۔

(جاری ہے)

آج ضلعی سطح پر یو م آزادی کے حوالے سے لڑکے اور لڑکیوں کے تقریری مقابلے گورنمنٹ اسلامیہ کالج سول لائنز اور سمن آباد گرلز کالج میں منعقد بھی کیے گئے جس میں طلباء و طالبات اپنی اپنی تقریروں میں تحریک آزادی پاکستان میں حصہ لینے والے رہنمائوں کو خراجِ تحسین پیش کیا ۔

ڈپٹی کمشنر لاہورسمیر احمد سید نے کہا کہ کل یو مِ آزادی کے حوالے سے سکولوں کو سجایا جائے گا اور اساتذہ سکولوں میں بچوں کو تحریک آزادی پاکستان کے حوالے سے خصوصی لیکچرز دیں گے۔

Facebook Twitter Google + Share on Whatsapp

ضلعی انتظامیہ لاہور نے یومِ آزادی کے حوالے سے شہر بھر میں تقریبات کا آغاز کر دیا ‘ سمیر احمد سید

متعلقہ عنوان :

مزید قومی خبریں