ہوسکتا ہے پیپلزپارٹی اور پی ٹی آئی کا وزارت عظمیٰ کے لیے امیدوار مشترکہ ہو، مولابخش چانڈیو

ہفتہ 29 جولائی 2017 11:35

کراچی (اُردو پوائنٹ اخبارتازہ ترین - آئی این پی۔ 29 جولائی2017ء) پاکستان پیپلزپارٹی کے رہنما مولابخش چانڈیو نے کہا ہے کہ نواز شریف کی سب سے بڑی غلطی ان کا تکبر تھا،ان کو تکبر نے مار،ا نواز شریف کی سیاست نے ان کو نقصان پہنچایا،ہم فرشتے نہیں ہم سے بھی کوتاہیاں ہوتی ہیں، ہوسکتا ہے پیپلزپارٹی اور پی ٹی آئی کا وزارت عظمیٰ کے لیے آمیدوار مشترکہ ہو،عمران خان نے دشمنی والا رویہ رکھا تو مشترکہ آمیدوار ہوگا۔

(جاری ہے)

ہفتہ کو نجی ٹی وی چینل سے گفتگوکر تے ہوئے مولا بخش جانڈیو نے کہا کہ نواز شریف کی سیاست نے ہی ان کو نقصان پہچایا۔بھٹو صاحب سے لیکر آج تک ہماری بنیادی پالیسی میں کوئی تبدیلی نہیں ہوئی۔عمران خان نے جب دھرنا دیا تو ہم نے جمہوریت کا ساتھ دیا۔ انھوں نے کہا ہم فرشتے نہیں ہم سے بھی کوتاہیاں ہوئی ہیں۔ نواز شریف کی سب سے بڑی غلطی ان کا تکبرتھا۔ ان کو تکبر نے مارا مولابخش جانڈیو نے کہا کہ ہوسکتا ہے کہ پیپلزپارٹی اور پی ٹی آئی کا وزارت عظمیٰ کے لیے امید وار مشترکہ ہو۔متفقہ امیدوار لانے کا فیصلہ عمران خان کے رویے پر مخصر ہے۔ عمران خان نے دشمنی والا رویہ رکھا تو مشترکہ امیدوار نہیں ہوگا۔