جمشید دستی کو احاطہ عدالت میں جانے کیلئے کارڈ نہ مل سکا،

اپنا فون بھی پارلیمنٹ لاجز میں بھول آئے لسٹ میں میرا نام نہیں ،میں اپنا موبائل فون بھی بھول آیا ہوں، پانامہ فیصلہ حق اور سچ کی جیت ہے، جمشید دستی کیصحافیوں سے گفتگو

جمعہ 28 جولائی 2017 14:55

جمشید دستی کو احاطہ عدالت میں جانے کیلئے کارڈ نہ مل سکا،

اسلام آباد (اُردو پوائنٹ اخبارتازہ ترین - آئی این پی۔ 28 جولائی2017ء) پانامہ فیصلہ کے وقت عوامی راج پارٹی کے سربراہ اور رکن قومی اسمبلی جمشید دستی کو احاطہ عدالت میں جانے کیلئے کارڈ نہ مل سکا، جمشید دستی اپنا فون بھی پارلیمنٹ لاجز میں بھول آئے، صحافی کے فون سے رجسٹرار آفس سے رابطہ کیا، مگر رجسٹرار آفس سے ان کیلئے کارڈ نہ آیا۔ جمشید دستی نے کہا کہ رجسٹرار سے بات کی ہے،مگر اس لسٹ میں میرا نام نہیں ہے اور میں اپنا موبائل فون بھی بھول آیا ہوں، پانامہ فیصلہ حق اور سچ کی جیت ہے، کرپٹ نظام کا خاتمہ میری اولین ترجیح رہی ہے، میں کل بھی سرمایہ داروں کے خلاف برسرپیکار تھا اور آج بھی ہوں۔

تفصیلات کے مطابق رکن قومی اسمبلی جمشید دستی کو سپریم کورٹ میں انٹری کی اجازت نہ مل سکی، وہ سپریم کورٹ کے باہر ہی میلہ سجائے ہوئے تھے، میڈیا کے نمائندوں سے انہوں نے اپنی گفتگو میں کہا کہ انہوں نے کارڈ کیلئے اپلائی کیا گیا تھا مگر ان کا کارڈ نہیں بنایا گیا۔

(جاری ہے)

انہوں نے کہا کہ میں اپنا موبائل فون بھی پارلیمنٹ لاجز میں بھول آیا ہوں، صحافی دوست سے موبائل فون لیا ہے اور رجسٹرار کو ٹیلیفون کیا مگر کارڈ نہیں آیا، جب میں نے اسرار کیا تو رجسٹرار آفس والوں نے بتایا کہ میرا نام لسٹ میں موجود ہی نہیں ہے۔ انہوں نے کہا کہ اگر وزیراعظم کو نا اہل قرار نہیں دیا جاتا تو پاکستان کی عدالتوں، کچہریوں اور تھانوں کو بند کر دینا چاہیے تھا۔