حافظ آباد سٹی پولیس نے جھاریانوالہ میں مبینہ طور پر نشہ آور انجکشن فروخت کرنے والے بدنام زمانہ منشیات فروش کو گرفتارکرکے جیل بھجوادیا

جمعرات 27 جولائی 2017 22:09

حافظ آباد(اُردو پوائنٹ اخبارتازہ ترین - آئی این پی۔ 27 جولائی2017ء) حافظ آباد سٹی پولیس نے جھاریانوالہ میں مبینہ طور پر نشہ آور انجکشن فروخت کرنے والے بدنام زمانہ منشیات فروش کو گرفتارکرکے جیل بھجوادیا۔ تفصیلات کے مطابق جھاریانوالہ کا رہائشی بدنام منشیات فروش فرخ آفتاب عرصہ دراز سے نشہ آور ٹیکہ جات فروخت کرکے نوجوانوں کی زندگیوں سے کھیل رہا تھا۔

جس کیوجہ سے مبینہ طور پر کئی نوجوان موت کے منہ میں چلے گئے۔

(جاری ہے)

جس پر عوامی سماجی حلقوں کی جانب سے ڈسٹرکٹ پولیس آفیسر کو شکایت کی گئی جس پر سٹی پولیس نے ملزم فرخ آفتاب کو گرفتارکرکے اسے جیل بھجوادیا۔ دوسری جانب جھاریانوالہ کے مکینوں نے شدید احتجاج کرتے ہوئے کہا کہ فرخ آفتاب کی گرفتاری کے بعد اب اسکے دونوں بھائیوں نے نشہ آور ٹیکہ جات اور ہیروئن فروخت کرنا شروع کردی ہے۔ جس کیوجہ علاقہ مکینوں میں شدید اضطراب پایا جارہا ہے۔ انہوں نے ڈی۔پی۔او سے مطالبہ کیا کہ نشہ آورانجکشن فروخت کرنے والے ملزمان کے خلاف فوری کاروائی عمل میںلاکر انہیں کیفر کردار پہنچایا جائے۔