فیصل آباد: نامعلوم افراد کی فائرنگ سے معروف ڈاکٹر محمود علیم جاں بحق

ڈاکٹرز تنظیموں نے سرکاری ہسپتالوں میں ہڑتال کی کال دے دی

بدھ 26 جولائی 2017 12:48

فیصل آباد: نامعلوم افراد کی فائرنگ سے معروف ڈاکٹر محمود علیم جاں بحق

فیصل آباد (اُردو پوائنٹ اخبارتازہ ترین - آن لائن۔ 26 جولائی2017ء) ڈاکٹر علیم اپنے کلینک سے گھر جا رہے تھے کہ جیل روڈ پر نا معلوم موٹر سائیکل سواروں نے ان پر فائرنگ کر دی۔ ڈاکٹر علیم کو زخمی حالت میں الائیڈ ہسپتال لایا گیا، جہاں وہ زخموں کی تاب نہ لاتے ہوئے دم توڑ گئے۔ ڈاکٹرز کے مطابق ڈاکٹر محمود علیم کو چار گولیاں لگیں۔

(جاری ہے)

واقعہ کی اطلاع ملتے ہی پولیس کی بڑی تعداد ہسپتال پہنچ گئی۔ ایس ایس پی آپریشن رانا معصوم کا کہنا تھا کہ کیس کی ہر پہلو سے تفتیش کر رہے ہیں۔ پروفیسر ڈاکٹر محمود علیم کے قتل کے خلاف ڈاکٹر تنظیموں نے فیصل آباد کے تمام سرکاری ہسپتالوں میں او پی ڈیز کو بند کر کے ہڑتال کا اعلان کیا ہے تاہم ایمرجنسی وارڈز کھلے رہیں گے۔