سندھ سے تحریک انصاف کے رہنما ئوں کے وفد کی نعیم الحق سے ملاقات

دو طرفہ باہمی دلچسپی کے امور و تنظیمی معاملات پر تبادلہ خیال

منگل 25 جولائی 2017 23:50

اسلام آباد(اُردو پوائنٹ اخبارتازہ ترین - آن لائن۔ 25 جولائی2017ء) تحریک انصاف سندھ کے رہنما ئوں کے وفد کی چیف آف سٹاف و ترجمان تحریک انصاف نعیم الحق سے ملاقات ہوئی۔ ملاقات مرکزی سیکرٹیریئٹ اسلام آباد میں ہوئی۔وفد میں شفقت انڑھ صدر سکھر ریجن ، حاجی خدا بخش جیبھو صدر حیدر آباد ریجن، سید آسف علی شاہ نوشہرو فیروز اور میر شجاع میتھو جوائینٹ سیکرٹری سندھ شامل تھے۔

(جاری ہے)

رہنمائوں میں تحریک انصاف سندھ کے تنظیمی معاملات اور دو طرفہ باہمی دلچسپی کے امور پرتفصیلی تبادلہ خیال ہوا۔ وفد نے نعیم الحق کو بتایا کہ سندھ بھر میں عمران خان کا پیغام تیزی سے پھیل رہا ہے۔ملاقات مین وفد کا یہ بھی کہنا تھا کہ سندھ کے عوام نئے پاکستان کی تعمیر میں عمران خان کے ساتھ ہیں۔اور اپنے محبوب قائد عمران خان کے استقبال کے لیئے تیار ہیں۔ سندھ سے آئے ہوئے تحریک انساف کے رہنمائوں کے وفد نے یقین دہانی کرائی کہ آئندہ انتخابات میں سندھ کے عام سٹیٹس کو کے بجائے تبدیلی کا ساتھ دیں گی: