لاہور میں سیکیورٹی فورسز کی کارروائی ،2دہشتگرد گرفتار،دستی بم برآمد، تخریب کاری کامنصوبہ ناکام بنا دیا

منگل 25 جولائی 2017 23:30

لاہور(اُردو پوائنٹ اخبارتازہ ترین - آئی این پی۔ 25 جولائی2017ء) سیکیورٹی فورسز نے لاہور میں کارروائی کرتے ہوئے 2دہشتگردوں کو گرفتار کرکے دستی بم برآمد کرکے تخریب کاری کامنصوبہ ناکام بنا دیا۔

(جاری ہے)

تفصیلا ت کے مطابق لاہور کے علاقے والٹن روڈ پر سیکیورٹی فورسز کی بھاری نفری نے چھاپہ مار کارروائی کے دوران 2دہشتگردوں کو دھر لیا جن کے قبضے سے دستی بم اور اسلحہ بھی برآمد ہواہے، ابتدائی تحقیقات کے دوران ملزمان نے انکشاف کیا ہے کہ وہ شہر میں تخریب کا ری کی منصوبہ بندی کررہے تھے جسے بروقت کارروائی کرکے ناکام بنادیا جبکہ گرفتار دہشتگردوں کی شناخت علی نور اور سرتاج خان کے نا م سے ہوئی ہے۔

تاہم سیکیورٹی فورسز نے زیر حراست ملزمان کیخلاف مقدمہ درج کرکے مزید تحقیقات کیلئے انہیں نامعلوم مقام پر منتقل کردیا ہے۔