آل پاکستان پرائیویٹ سکولز مینجمنٹ ایسوسی ایشن وفد کی صوبائی وزیر تعلیم رانا مشہود احمدسے ملاقات
جب تک آخری دہشت گرد کا خاتمہ نہیں ہو جاتا چین سے نہیں بیٹھیں گے، دھماکہ پاکستان کے دشمنوں کی گھنائونی سازش ہے معصوم انسانوں کے خون سے ہاتھ رنگنے والے کیفر کردار تک ضرور پہنچیں گے پنجاب پولیس سکولوں کی انتظامیہ کے ساتھ مل کر علاقوں میں سکولوں کا تحفظ یقینی بنانے کے لیے تمام تر اقدامات کر رہی ہے، وفد سے گفتگو پرائیویٹ سکولز میں سیکورٹی اقدامات بہتر بنانے کے حوالے سے گفتگو، حکومت کو تمام پرائیویٹ سکولوں کو سکیورٹی فراہم کرے، ادیب جاودانی
منگل 25 جولائی 2017 23:25
(جاری ہے)
لیکن دہشت گرد بہت تربیت یافتہ ہوتے ہیں، ان کا مقابلہ پرائیویٹ سکولوں کے سکیورٹی گارڈ نہیں کر سکتے۔ حکومت کو تمام پرائیویٹ سکولوں کو سکیورٹی فراہم کرنی چاہیے۔
ادیب جاودانی نے کہا کہ تعلیمی اداروں کو تحفظ دینا حکومت کی ذمہ داری ہے۔ ادیب جاودانی نے کہا کہ دہشت گردوں کے حملوں کے بعد جو اقدامات کیے جاتے ہیں وہ دہشت گردوں کے حملوں سے پہلے کرنے چاہئیں۔ادیب جاودانی نے کہا کہ حکومت نے دہشت گردی کے ہاتھوں شہید ہونے والے پولیس ملازم کے لواحقین کو تو ایک کروڑ روپے دینے کا اعلان کیا ہے اگر دہشت گرد پرائیویٹ سکولوں کے کسی سکیورٹی گارڈ کو شہید کر دیں تو اس کے لواحقین کو بھی حکومت کو ایک کروڑ روپے دینے چاہئیں۔ادیب جاودانی نے کہا کہ حکومت نے سکیورٹی کے تمام انتظامات پرائیویٹ سکولوں پر ڈال دئیے ہیں اگر پرائیویٹ سکولوں کے مالکان اور شہری انفرادی طور پر اپنی جان و مال کے تحفظ کے خود پابند ہیں تو پھر حکومت کا سکیورٹی اداروں پر سالانہ اربوں روپے خرچ کرنے کا کیا جواز بنتا ہے انہوں نے کہا کہ حکومت نے سکیورٹی کی تمام ذمہ داری پرائیویٹ سکولوں پر ڈال دی ہے جبکہ سکیورٹی فراہم کرنا حکومت کی ذمہ داری ہے۔ انہوں نے کہا کہ یہ حکومت کی ذمہ داری ہے کہ وہ انٹیلی جنس اور سکیورٹی اداروں کو منظم بنائے جو صرف ’’دہشت گردوں کی آمد کی اطلاع ہی نہ دیں بلکہ انہیں کسی کارروائی سے قبل گرفتار بھی کریں‘‘۔صوبائی وزیر تعلیم رانا مشہود احمد خاں نے ادیب جاودانی اور اُن کے وفد سے بات چیت کرتے ہوئے کہا کہ لاہور میں معصوم لوگوں کو نشانہ بنانے والے سفاک درندے کسی رعایت کے مستحق نہیں۔ میری اور پنجاب حکومت کی تمام تر ہمدردیاں جاں بحق ہونے والے افراد کے لواحقین کے ساتھ ہیں اور پنجاب حکومت جاں بحق ہونے والے لواحقین کے غم میں برابر کی شریک ہے۔شہید پنجاب پولیس کے اہلکاروں اور دیگر افراد کی عظیم قربانی کو قوم سلام پیش کرتی ہے اور ہم اپنے بہادر سپوتوں کے خون کا بدلہ ضرور لیں گے اور جب تک آخری دہشت گرد کا خاتمہ نہیں ہو جاتا ہم چین سے نہیں بیٹھیں گے۔ دھماکہ پاکستان کے دشمنوں کی گھنائونی سازش ہے۔ دہشت گردی کے اس واقعہ میں قیمتی انسانی جانوں کے ضیاع پر ہر آنکھ اشکبار ہے۔ دہشت گرد انسانیت کے سفاک دشمن ہیں۔ انہوں نے کہا کہ معصوم انسانوں کے خون سے ہاتھ رنگنے والے کیفر کردار تک ضرور پہنچیں گے۔انہوں نے کہا کہ پنجاب پولیس سکولوں کی انتظامیہ کے ساتھ مل کر علاقوں میں سکولوں کا تحفظ یقینی بنانے کے لیے تمام تر اقدامات کر رہی ہے۔ سکولوں کو جو سکیورٹی پلان فراہم کیا گیا ہے اور محکمہ تعلیم کے ساتھ مل کر اس پر عمل درآمد کروایا جا رہا ہے۔امن و امان کے قیام پر کوئی سمجھوتہ نہیں کیا جائے گا۔ عوام سکیورٹی کے حوالے سے پولیس کے ساتھ تعاون کریں اور کسی بھی مشکوک شخصکی یا سرگرمی کی اطلاع فوری طور پر پولیس کو دی جائے۔ انہوں نے کہا کہ سکولوں کی مانیٹرنگ کے لیے ٹیمیں تشکیل دے دی گئی ہیں جو وہ روزانہ کی بنیاد پر مختلف سکولوں کا دورہ کریں گی اور سکیورٹی اقدامات کو یقینی بنائیں گی۔انہوں نے کہا کہ سرکاری حکم نامہ ماننے اور حکومتی رٹ چیلنج کرنے والے سکولوں کے خلاف کارروائی کی جائے گی۔ انہوں نے پرائیویٹ سکولوں کے مالکان کو ہدایت کی ہے کہ وہ ہوم ڈیپارٹمنٹ کی گائیڈ لائنز اور ایس او پیز کے مطابق تعلیمی اداروں کی مکمل سکیورٹی کے بھرپور اقدامات کو یقینی بنایا جائے۔انہوں نے ادیب جاودانی سے کہا کہ جن پرائیویٹ سکولوں کو دہشت گردی کا خطرہ ہے ان کے نام ہمیں بھجوائیں ہم ان کو سکیورٹی فراہم کریں گے۔مزید قومی خبریں
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.