سپریم کورٹ میںجنگ گروپ کیخلاف توہین عدالت کیس کی سماعت
ہم عمل کاردعمل والی صورتحال پیدانہیں کرناچاہتے، جنگ گروپ نے غلط رپورٹنگ کی اورذرائع سے خبریں شائع کی گئیں، جسٹس اعجاز الاحسن جے آئی ٹی اورعدالت کوبدنام کیاگیا،جے آئی ٹی رپورٹ پرحتمی نتائج شائع کردیئے بعدمیں معافیاں مانگیں، ریمارکس ہمارا ادارہ عدالت کابہت احترام کرتا ہے، خبروں کی بنیاد پر کہا کہ ہمیں معلوم ہے کس کے ایما پر خبریں شائع ہوتی ہیں۔ان ریمارکس پرہمیں بہت تکلیف ہوئی، میر شکیل الرحمن ہمیں پریس کی آزادی مقدمہ ہے، پریس کو خاموش نہیں کرسکتے، فیئر تنقید برداشت کرتے ہیں لیکن غیر ضروری تنقید برداشت نہیں ہوتی۔ پانی سر سے گزر جائے تو گلے شکوے کے لئے آپ کو بلا لیتے ہیں، جسٹس عظمت سپریم کورٹ نے جنگ گروپ کو مزید دستاویزات اور اضافی جواب جمع کرانے کی ہدایت کرتے ہوئے سماعت 22 اگست تک ملتوی کردی
منگل 25 جولائی 2017 20:21
(جاری ہے)
ان ریمارکس پرہمیں بہت تکلیف ہوئی ہے۔ عدالت نے ہم سے تین ماہ کے اشتہارات کا ریکارڈ طلب کیاتھا۔جو اخبار مارکیٹ میں زیادہ فروخت ہوتا ہے ۔
اسی کو زیادہ اشتہارات ملتے ہیں۔ حکومت ہمیں اشتہارات کا ریٹ کم دیتی ہے۔میر شکیل الرحمن نے عدالت کو بتایا کہ اگر آئی ایس آئی والی اور دیگر خبریں غلط ہیں تو نوٹس دیں تاکہ رپورٹر کے خلاف ایکشن لے سکوں۔ رپورٹر اپنی خبر پر قائم ہے۔ جسٹس عظمت نے میر شکیل الرحمن کو مخاطب کرتے ہوئے کہا کہ آپ سے گزارش ہے کہ وکیل کے بغیر بات مت کریں۔ جسٹس عظمت نے مزید کہاکہ ہمیں پریس کی آزادی مقدمہ ہے۔ پریس کو خاموش نہیں کرسکتے۔ فیئر تنقید برداشت کرتے ہیں لیکن غیر ضروری تنقید برداشت نہیں ہوتی۔ پانی سر سے گزر جائے تو گلے شکوے کے لئے آپ کو بلا لیتے ہیں۔ جسٹس اعجاز افضل نے ریمارکس دئیے کہ ھم ایکشن کا رد عمل والی صورتحال پیدا نہیں کرنا چاھتے۔ آپ کے ہاں غیر زمہ داری سے رپورٹنگ ہوتی ہے۔ہو سکتا ہے آپ اپ رائیٹ شخص ہوں۔ ہماری خبریں ساری خبریں درست ثابت ہوئی ہیں کچھ ایک صحیح ثابت نہیں ہوئیں۔ آپ نے جے ائی ٹی رپورٹ کی حتمی رپورٹ شائع کی جوہم نے پڑھی تک نہیں تھی۔ میر شکیل الرحمن نے عدالت کو بتایا کہ معذرت کے ساتھ آپ جو ریمارکس دیتے ہیں وہ آپ کے حکم نامے میں شامل نہیں ہوتے۔اس طرح کے ریمارکس دینا مناسب نہیں ۔ہم جو کہیں گے وہ آئندہ آرڈر میں شامل کرینگے۔پھر الفاظ حزف کرنے کی درخواست مت دینا ۔میر شکیل الرحمن نے کہاکہ جو ھم نے رپورٹ کیا وہ دیگر اخبارات اور چینلز نے بھی کیا تھا لیکن صرف ہمارے خلاف کاروائی کیوں۔ جسٹس عظمت نے کہا کہ عدالت کا مقدمہ ہے عدالت میں رہنے دیں ۔جسٹس اعجاز الاحسن نے ریمارکس دئیے کہ پریس کی آزادی کو مقدم سمجھتے ہیں۔ لیکن کیچڑ اچھالنے کی اجازت نہیں دینگے۔ جسٹس اعجاز الاحسن نے ریمارکس دیتے ہوئے کہا جنگ گروپ نے غلط رپورٹنگ کی اورذرائع سے خبریں شائع کی گئیں،جے آئی ٹی اورعدالت کوبدنام کیاگیا،ہم عمل کاردعمل والی صورتحال پیدانہیں کرناچاہتے،جنگ گروپ کے وکیل ارشد چوہدری نے عدالت کومزید بتایا جہاں ہم غلط ہوتے ہیں وہاں معافی مانگتے ہیں۔ ہم عدالت کابہت احترام کرتے ہیں،میں عدالت سے معافی کاطلب گارہوں ، عدالت نے 3 ماہ کاریکارڈطلب کیا ہے،اس موقع پرجسٹس اعجاز افضل نے کہاجنگ گروپ کی جانب سے غیرذمہ دارانہ رپورٹنگ ہوئی،ہوسکتا ہے آپ ایک اپ رائٹ شخص ہوں، آپ کوموقف پیش کرنے کاپوراموقع دیں گے،جنگ گروپ کے وکیل نے میرشکیل الرحمان کی جانب سے بتایا ہماری ساری خبریں درست تھیں اورثابت بھی ہوئیں،میرشکیل الرحمان نے موقف اختیار کرتے ہوئے کہا کہ رپورٹرکہتاہے میری خبردرست ہے، اگرکوئی خبرغلط ہے توبتادیاجائے تاکہ کارروائی کی جاسکے،جسٹس عظمت سعیدنے ریمارکس دیئے کہ ہرکسی کے بنیادی حقوق کااحساس ہے،آپ نے جے آئی ٹی رپورٹ پرحتمی نتائج شائع کردیئے بعدمیں معافیاں مانگیں، اس موقع جسٹس اعجازافضل نے جنگ گروپ کو مزید دستاویزات اور اضافی جواب جمع کرانے کی ہدایت کرتے ہوئے سماعت 22 اگست تک ملتوی کردی۔متعلقہ عنوان :
مزید قومی خبریں
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.