مقبوضہ کشمیر میں بھارتی فوج نے آپریشن کے دوران کشمیری نوجوان کو شہید اور 4 افراد کو گرفتار کرلیا

اتوار 23 جولائی 2017 18:50

سرینگر(اُردو پوائنٹ اخبارتازہ ترین - این این آئی۔ 23 جولائی2017ء) مقبوضہ کشمیر میں بھارتی فوج نے آپریشن کے دوران کشمیری نوجوان کو شہید اور 4 افراد کو گرفتار کرلیا۔

(جاری ہے)

کشمیر میڈیا سروس کے مطابق بھارتی فوج نے کپواڑہ کے علاقے میں سرچ آپریشن کرتے ہوئے نہتے کشمیری نوجوان کو درانداز قرار دے کر شہید کردیا ،ْبھارتی پولیس نے دعویٰ کیا کہ کنٹرول لائن پر عسکریت پسند دراندازی کی کوشش کررہے تھے کہ اس دوران جھڑپ میں نوجوان مارا گیاادھر بھارتی پولیس نے سرینگر میں کریک ڈاؤن کرتے ہوئے 4 کشمیری نوجوانوں کو گرفتار کرکے نامعلوم مقام پر منتقل کردیا۔

پولیس نے ناکے پر تلاشی کے بہانے ایک کار کو روکا اور اس میں موجود نوجوانوں کو گرفتار کرلیا۔ قابض فورسز نے چاروں نوجوانوں پر عسکریت پسند ہونے اور ان کے قبضے سے اسلحہ برآمد کرنے کا دعوی بھی کیا۔