پشاور ،ْ پولیس کا سرچ اینڈ اسٹرائک آپریشن ،ْ 385جرائم پیشہ افراد گرفتار

غیر قانونی رہائش کے الزام میں 63 گرفتار افراد کے خلاف مقدمات درج کرلیے گئے

اتوار 23 جولائی 2017 13:50

پشاور(اُردو پوائنٹ اخبارتازہ ترین - این این آئی۔ 23 جولائی2017ء) پولیس نے مختلف تھانوں کی حدود میں سرچ اینڈ اسٹرائک آپریشن کے دوران 385 جرائم پیشہ افراد گرفتارکرکے اسلحہ ومنشیات بر آمد کرلی۔

(جاری ہے)

اطلاعات کے مطابق پشاورمیں کیپٹل پولیس نے تھانوں کی حدود میں سرچ اینڈ اسٹرائک آپریشن کرتے ہوئے سنگین مقدمات میں مطلوب 15 اشتہاریوں سمیت 385 جرائم پیشہ افراد کو گرفتار اور ان کے قبضے سے اسلحہ ومنشیات برآمد کرلی۔پولیس کے مطابق آپریشن میں ملزمان کے قبضے سے 56 پستول ، 10 کلاشنکوف، 3 عدد 9 ایم ایم پستول، ایک رپیٹر ، سیکڑوں کارتوس، شراب کی 53 بوتلیں اور78 کلو گرام چرس برآمد کر لی جبکہ غیر قانونی رہائش کے الزام میں 63 گرفتار افراد کے خلاف مقدمات درج کرلیے گئے۔