پانامہ کیس جے آئی ٹی میں حکمران خاندان کے تحائف کے تبادلوں پرسوالیہ نشان لگ گیا

اسلام آباد(اُردو پوائنٹ اخبارتازہ ترین - آن لائن۔ 22 جولائی2017ء) پانامہ کیس جے آئی ٹی میں حکمران خاندان کے تحائف کے تبادلوں پرسوالیہ نشان لگ گیا،حسین نواز نے نوازشریف کواوروزیراعظم نے مریم کوتحائف دیئے ،کیپٹن صفدربھی پاکٹ منی لیتے رہے ،اس سے مریم زیرکفالت ثابت ہوتی ہیں ،نوازشریف کے وزیراعظم بننے کے بعدبھی رقم کی ریمیٹنس ظاہرکیاگیا۔

نجی ٹی وی کی ایک رپورٹ کے مطابق جے آئی ٹی میں حکمران خاندان کے پیش کردہ ریکارڈمیں ایک دوسرے پرتحائف کی بارش کرنے پرسوالیہ نشان لگ گیا،حکمران خاندان نے ایک دوسرے کوتحفے ہی تحفے دیئے ،حسین نوازنے اپنے والدنوازشریف کوتحائف دیئے ،نوازشریف نے 75فیصدتحائف مریم نوازکودیدیئے اور25فیصدکیش کی صورت میں خودبینک سے نکلوائے ۔

(جاری ہے)

2010ء سے 2015ء تک ہل میٹل سے 88فیصدمنافع نوازشریف کوبھیجاگیا،جس سے ہل میٹل سے نوازشریف کی کاروباری دلچسپی ظاہرہوتی ہے ۔

رپورٹ کے مطابق حسین نوازنے 1165ملین کے تحائف نوازشریف کوبھیجے 2010ء سے 2013ء تک نوازشریف نے 822.725ملین مریم نوازکودیئے ،2010ء میں مریم نوازکی ملکیتی اراضی صفرتھی ،2016ء میں مریم نواز804.424ملین کی مالک بن گئیں ،جس پرایف بی آرکوٹیکس ریٹرنزبھی جمع کرائے گئے ،مریم نوازنے اس رقم سے زمین خریدی کیپٹن صفدرنے بھی جے آئی ٹی کوبتایاکہ انہیں 1500ریال جیب خرچ ملتاتھاجس سے ظاہرہوتاہے کہ مریم نوازشریف کے زیرکفالت تھیں رپورٹ میں کہاگیاہے کہ 2013ء میں مسلم لیگ ن کو100ملین کاعطیہ ملا،10جون کو45ملین ملے جس کاکوئی ریکارڈنہیں ہے ،اس رقم کوریمیٹنس ظاہرکیاگیااس وقت نوازشریف وزیراعظم بن چکے تھے رپورٹ کے مطابق نوازشریف کی جانب سے مریم اورمریم کی جانب سے نوازشریف کوتحائف دیئے گئے 2012ء سے 2013ء تک نوازشریف کوملنے والے تحائف میں بے پناہ اضافہ ہواان تحائف کاکچھ حصہ تحفہ دینے والوں کوواپس تحفہ دیاگیا۔