عمران خان کو بھی اب منی ٹریل جمع کرانی ہو گی کیونکہ آئین و قانون کا اطلاق سب پر یکساں ہونا چاہیئے‘عدالت عظمیٰ کا فیصلہ ابھی آنا ہے اس لیے سب کو فیصلے کا انتظار کرنا چاہیئے اور قیاس آرائیوں سے گریز کرنا چاہیئے
وزیراعظم کے ترجمان ڈاکٹر مصدق ملک کی نجی ٹی وی چینل کے پروگرام میں گفتگو
ہفتہ 22 جولائی 2017 22:35
(جاری ہے)
انہوں نے کہا کہ یہ بڑی واضح سی بات ہے کہ ہم عمران خان پر کوئی الزام نہیں لگا رہے بلکہ یہ کہہ رہے ہیں کہ قانون کا اطلاق سب پر یکساں ہونا چاہیئے اور جس طرح ہمیں تلاشی دینے اور منی ٹریل جمع کرانے کا کہتے تھے عمران خان کو بھی چاہیئے کہ اپنی تلاشی دیں اور اپنی منی ٹریل عدالت میں جمع کرائیں۔
ترجمان وزیراعظم کا کہنا تھا کہ پاناما پیپرز میں وزیراعظم محمد نواز شریف کا نام کہیں بھی موجود نہیں اور نہ ہی کسی کرپشن کا تعلق وزیراعظم محمد نواز شریف سے ثابت کیا جا سکا ہے۔ ایک سوال کے جواب میں انہوں نے کہا کہ جے آئی ٹی نے ایک نامکمل اور متعصب رپورٹ پیش کی اور ہمیں قوی امید ہے کہ عدالت عظمیٰ جے آئی ٹی کی اس رپورٹ کو رد کرے گی اور ردی کی ٹوکری میں پھینکے گی۔ ملک کے وزیراعظم محمد نواز شریف ہی رہیں گے اور جے آئی ٹی کی رپورٹ آئینی اور قانونی طور پر اپنے تعصب کی وجہ سے رد ہو جانی چاہیئے اور کورٹ سے بھی ہمیں یہی امید ہے۔ انہوں نے کہا کہ وزیراعظم محمد نواز شریف 20کروڑ عوام کے ووٹوں سے وزیراعظم بنے ہیں جنہیں ہٹانے کے لیے عوام کے ووٹ ہی لینے پڑیں گے اور وزیراعظم محمد نواز شریف کی طرح عوامی خدمت کرنا پڑے گی، لوگوں کے دکھ درد میں شریک ہونا پڑے گا، سڑکوں کے جال بچھانا پڑیں گے، ہسپتال بنانا پڑیں گے اور دیگر عوامی فلاحی منصوبے مکمل کرنے پڑیں گے صرف زبانی کلامی باتوں سے نہ تو حکومتیں جاتی ہیں اور نہ ہی وزیراعظم تبدیل ہوتے ہیں۔ ڈاکٹر مصدق ملک کا کہنا تھا کہ اگر وزیراعظم محمد نواز شریف اعتماد کھو چکے ہیں تو پارلیمنٹ سے عدم اعتماد کی تحریک لائیں سب واضح ہو جائے گا۔ انہوں نے کہا کہ عدالت عظمیٰ کا فیصلہ ابھی آنا ہے اس لیے سب کو اس فیصلے کا انتظار کرنا چاہیئے اور قیاس آرائیوں سے گریز کرنا چاہیئے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.