Live Updates

عمران خان نا اہلی کیس سے کچھ نہیں نکلنا ،ْ تحریک انصاف کے سربراہ کیخلاف مقدمات کا انجام ردی کی ٹوکری ہے ،ْفواد چوہدری

(ن) لیگ سمیت کوئی بھی سیاسی پارٹی اپنی منی ٹریل دے تو پتہ لگ جائے گا ،ْمیڈیا سے گفتگ و میرے گھر پر حکومت والوں نے حملہ کرایا، حملہ آور کاروباری دستاویزات اٹھا کر لے گئے ،ْشبلی فراز

ہفتہ 22 جولائی 2017 18:34

عمران خان نا اہلی کیس سے کچھ نہیں نکلنا ،ْ تحریک انصاف کے سربراہ کیخلاف ..
اسلام آباد(اُردو پوائنٹ اخبارتازہ ترین - این این آئی۔ 22 جولائی2017ء) پاکستان تحریک انصاف کے ترجمان فواد چوہدری نے کہا ہے کہ عمران خان نا اہلی کیس سے کچھ نہیں نکلنا ،ْ تحریک انصاف کے سربراہ کیخلاف مقدمات کا انجام ردی کی ٹوکری ہے ،ْ(ن) لیگ سمیت کوئی بھی سیاسی پارٹی اپنی منی ٹریل دے تو پتہ لگ جائے گا ہفتہ کو یہاں میڈیا سے گفتگو کرتے ہوئے پی ٹی آئی کے رہنما فواد چوہدری نے کہا کہ نوازشریف کے بیٹے کا انگلینڈ میں 600 کروڑ کا فلیٹ ہے ،ْ عمران خان کا انگلینڈ میں فلیٹ صرف 50 لاکھ روپے کا تھا، ایک آدمی نے پوری زندگی کرکٹ کھیل کر ایک گھر بنایا جس کا حساب ہی ختم ہونے میں نہیں آرہا ،ْ ہم تو عمران خان کے بچپن تک کی منی ٹریل دے رہے ہیں۔

فواد چوہدری نے کہا کہ عمران خان نااہلی کیس سے کچھ نہیں نکلنا اور پی ٹی آئی چیرمین کیخلاف مقدمات کا انجام ردی کی ٹوکری ہے، (ن) لیگ سمیت کوئی بھی سیاسی پارٹی اپنی منی ٹریل دے تو پتہ لگ جائے گا، آصف علی زرداری ہوں ،ْ مولانا فضل الرحمان یا نوازشریف کوئی بھی عمران جیسی ایک منی ٹریل دے کر دکھادے۔

(جاری ہے)

پی ٹی آئی رہنما کا کہنا تھا کہ لندن سے منی ٹریل منگوا کرعدالت میں جمع کرادی ہے اور ن لیگ کے اعتراضات دورکردئیے ہیں، عمران خان نے لندن میں فلیٹ ایک لاکھ 17 ہزار پاؤنڈ میں خریدا تھا ،ْ1980 میں وہ کاؤنٹی کے مہنگے ترین کرکٹر تھے، سسیکس کے ساتھ کھیلتے ہوئے وہ غیرمقامی تھے اور سسیکس اپنا 20 سال سے زیادہ کا ریکارڈ نہیں رکھتی، 1977 سے 1979 تک انہوں نے کیری پیکر سیریز کھیلی۔

اس موقع پر میڈیا سے بات کرتے ہوئے شبلی فراز نے کہاکہ میرے گھر پر حکومت والوں نے حملہ کرایا، حملہ آور کاروباری دستاویزات اٹھا کر لے گئے۔ پی ٹی آئی رہنماء مراد سعید کا کہنا تھا کہ پانامہ کا کیس نہ ہوتا تو عمران خان پر کوئی کیس نہ بنایا جاتا۔
Live پاکستان تحریک انصاف سے متعلق تازہ ترین معلومات