سیکیورٹی فورسز کی آپریشن خیبر فور میں پیش رفت ، راجگال وادی میں اہم چوٹیوں پر چیک پوسٹس قائم کر لیں

بارودی سرنگ کے دھماکے میں ایک سپاہی شہید ہو گیا ،نماز جنازہ پشاور گیریژن میں ادا کی گئی ، آئی ایس پی آر

جمعہ 21 جولائی 2017 23:10

سیکیورٹی فورسز کی آپریشن خیبر فور میں پیش رفت ، راجگال وادی میں اہم ..

راولپنڈی(اُردو پوائنٹ اخبارتازہ ترین - این این آئی۔ 21 جولائی2017ء) سیکیورٹی فورسز نے آپریشن خیبر فور کے دوران پیش رفت جاری رکھتے ہوئے راجگال وادی میں اہم چوٹیوں پر چیک پوسٹس قائم کر لی ہیں جبکہ بارودی سرنگ کے دھماکے میں ایک سپاہی شہید ہو گیا ۔

(جاری ہے)

آئی ایس پی آر کے مطابق آپریشن خیبر فور پر منصوبے کے مطابق پیش رفت جاری ہے ۔ فوجیوں نے خیبر ایجنسی کی راجگال وادی میں اہم چوٹیوں پر چوکیاں قائم کر لی ہیں جبکہ بارودی سرنگوں کو آرمی انجینئرز کی مدد سے مہارت کے ساتھ ناکارہ بنایا جا رہا ہے ۔ ایک بارودی سرنگ کے دھماکے میں سپاہی محمد یاسر شہید ہو گیا جس کی نماز جنازہ پشاور گیریژن میں ادا کی گئی۔