عمران خان کی نااہلی اورغیر ملکی فنڈنگ کیس کی سماعت کیلئے 25 جولائی کا دن مقرر

محمد علی جمعہ 21 جولائی 2017 20:33

اسلام آباد (اردوپوائنٹ تازہ ترین اخبار۔21جولائی 2017ء) عمران خان کی نااہلی اورغیر ملکی فنڈنگ کیس کی سماعت کیلئے 25 جولائی کا دن مقرر کر دیا گیا ہے۔ تفصیلات کے مطابق سپریم کورٹ رجسٹرار کی جانب سے عمران خان کو یاد دہانی نوٹس جاری کیا گیا ہے۔

(جاری ہے)

نوٹس میں عمران خان کو تلقین کی گئی ہے وہ بنی گالہ کی منی ٹریل کے حوالے سے دستاویزات جلد ازا جلد سپریم کورٹ میں جمع کروا دیں۔ جبکہ مران خان کی نااہلی اورغیر ملکی فنڈنگ کیس کی سماعت کا دن مقرر کر دیا گیا ہے۔ کیس کی سماعت 25 جولائی کو ہوگی۔ اس حوالے سے بھی فریقین کو نوٹسز جاری کر دیے گئے ہیں۔ کیس کی سماعت 3 رکنی ججز کا بینچ کرے گا۔ بینچ کی سربراہی چیف جسٹس آف پاکستان جسٹس ثاقب نثار کریں گے۔