آل پاکستان مسلم لیگ نے ظفر حجازی کی گرفتاری کو خوش آئند قرار دیدیا

امید کرتے ہیں سپریم کورٹ عوامی امنگوں کے مطابق فیصلہ دے گی ،پرویز مشرف

جمعہ 21 جولائی 2017 21:01

آل پاکستان مسلم لیگ نے ظفر حجازی کی گرفتاری کو خوش آئند قرار دیدیا
اسلام آباد(اُردو پوائنٹ اخبارتازہ ترین - آئی این پی۔ 21 جولائی2017ء) آل پاکستان مسلم لیگ کے چیئر مین اور سابق صدر سید پرویز مشرف اور پارٹی سیکرٹری جنرل ڈاکٹر محمد امجد نے پاناما عملدرآمد بینچ کو سراہا ہے ۔

(جاری ہے)

جمعہ کو اپنے ایک بیان میں سابق صدر سید پرویز مشرف نے کہا کہ بھرپور امید کرتاہوں کہ سپریم کورٹ عوامی امنگوں کے مطابق فیصلہ دے گی ، عوام کی نظریں ہمیشہ کی طرح اب بھی سب سے بڑی عدالت پر لگی ہیں اور اعلیٰ عدلیہ قانون کی پاسداری کرتے ہوئے فیصلہ دے کر پاکستان اور ادارے کی بالادستی برقرار رکھے گی، آل پاکستان مسلم لیگ کے سیکرٹری جنرل ڈاکٹر محمد امجد نے کہا ہے کہ پانامہ کیس شریف فیملی کے لیئے قسمت کی مار ہے ، عوام اب جان چکی ہے کہ نواز شریف اسمبلیوں میں کچھ اور بولتے ہیں جبکہ حقیقت اس کے برعکس ہوتی ہے،ظفر حجازی کی گرفتاری پر رد عمل دیتے ہوئے سید پرویز مشرف نے کہا ہے کہ ایس ای سی پی کے چیئر مین کی گرفتاری خوش آئندہے اور یہ ثابت کرتا ہے کہ پانامہ معاملے میں جو جو شخص ملوث ہے وہ ضرور قانون کی گرفت میں آئے گا، سید پرویز مشرف نے کہا ہے کہ نواز شریف کے پاس کوئی اخلاقی جواز نہیں ہے کہ وہ اپنے عہدے پر قائم رہیں اور ان کے لیئے بہتر یہی ہے کہ سپریم کورٹ انہیں گھر بھیجے وہ ابھی مستعفی ہو کر گھر چلے جائیں۔