ایم سی آئی کے انوائرنمنٹ ونگ کو جدید مشینری وآلات سے لیس کیا جائیگا ، اسلام آباد کی خوبصورتی میں مزید اضافے کیلئے انوائرنمنٹ ونگ کا بہت اہم کردار ہے ،اسلام آباد کو دنیا کا خوبصورت شہر بنانے کیلئے دستیاب وسائل کا بھر پور استعمال کریں گے
چیئرمین سی ڈی اے شیخ انصر عزیز کا میٹرو پولیٹین کارپوریشن کو جدید مشینری دینے کی تقریب سے خطاب
جمعہ 21 جولائی 2017 20:07
(جاری ہے)
میئر اسلام آباد و چیئرمین سی ڈی اے شیخ انصر عزیز نے کہا کہ میٹرو پولیٹین کارپوریشن اسلام آباد اپنی انوائرنمنٹ ونگ کو پوری طرح فعال کرنے کے لیے متعدد اقدامات اٹھا رہی ہے اور آج جدید آلات اور مشینری کی فراہمی اسی سلسلے کی ایک کڑی ہے۔
انہوں نے کہا کہ دنیا میں جدید ٹیکنالوجی کا استعمال بڑی تیزی سے فروغ پا رہا ہے اور میئر اسلام آباد نے بھی یہ عہد کیا ہے کہ وہ اسلا م آباد کو دنیا کا خوبصورت شہر بنانے کے لیے اپنے دستیاب وسائل کا بھر پور استعمال کریں گے۔ میئر اسلام آباد نے کہا کہ پہلے مرحلے میں یہ جدید مشینری حاصل کی گئی ہے تا ہم مرحلہ وار جدید آلات کی فراہمی کو یقینی بنا کر پرانے اور روایتی طریقہ کار کا مکمل خاتمہ کیا جائے گا کیونکہ نئی ٹیکنالوجی سے جہاں وقت کی بچت ہوتی ہے وہاں گھاس ،جھاڑیاں اور خود رو پودوں کی کٹائی جدید اور سائنٹیفک انداز سے کر کے اسلام آباد کو مزید خوبصورت بنایا جا سکتا ہے۔انہوں نے کہا کہ اسلام آبادکے بڑے ایونیو، رہائشی سیکٹروں اور کاروباری مراکز میں جدید مشینری کا استعمال کر کے شہر کو سر سبز و شاداب بنایا جائے اور بتدریج پرانی مشینری کی جگہ جدید ٹیکنالوجی کی حامل مشینری اور آلات کا اضافہ کیا جائے ۔میئر اسلام آباد نے ڈائریکٹر جنرل انوائرنمنٹ کو ہدایت کی کہ مشینری کے علاوہ عملے کو باقاعدہ یونیفارم فراہم کی جائے تاکہ اسلام آباد میں کام کرنے والا عملہ مصروف عمل نظر آئے۔ اس موقع پر میئر اسلام آباد کو بتایا گیا کہ ان کی ہدایت پر 100 گھاس کاٹنے والے ٹریکٹر آلات ، پلاسٹک کٹننگ دوملی میٹر سائز کے 500 ،بش کٹر سائز52 سی سی 150 عدد،ٹریکٹر کے ساتھ لان کی صفائی کرنے والے 15 آلات، ٹریکٹر لان موورز 3 عدد،آٹو لان موورز12 عدد،آٹو چین سا 6 عدد،ہیج کٹر 08 عدد،ٹائن ٹلرز06 عدد، 43 سی سی انجن کے حامل40 عدد بش کٹر خریدے گئے ہیں جن کا عملی مظاہرہ میئر اسلام آباد کے سامنے پیش کیا گیا ۔میئر اسلام آباد و چیئرمین سی ڈی اے شیخ انصر عزیز نے جدید آلات کی تعداد میں اضافے کی ہدایت کرتے ہوئے کہا کہ پورے اسلام آباد میں کام کرنے کے لیے یہ مشینری ناکافی ہے لہذا رواں مالی سال میں مشینری اور آلات کی تعداد میں اضافہ کر کے اسے ایک ہزار تک کیا جائے تاکہ انوائرنمنٹ ونگ کا تمام کام روایتی مشینری سے تبدیل کر کے جدید ٹیکنالوجی پر منتقل کیا جا سکے۔ اس موقع پر نئی مشینری کو چلا کر عملے نے کام کیا جسے میئر اسلام آباد نے سراہتے ہوئے ہدایت کی کہ مزید مشینری اور جدید آلات کی فراہمی تک باقیماندہ عملے کو پیشہ ورانہ تربیت دی جائے اور ٹیکنیکل ماہرین سے عملے کو جدید آلات سے متعلق کورس کرائے جائیں تاکہ عملہ جدید ٹیکنالوجی سے آشنا ہو کر اپنی ڈیوٹی پیشہ ورانہ مہارت کے ساتھ ادا کر سکے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.