ْ پاکستان تحریک انصاف نے پاناماکیس کا فیصلہ محفوظ ہونے کے بعد آئندہ کی حکمت عملی طے کرلی

والیم دس پبلک کیا جائے ،ْسیاسی و پارلیمانی بحران کھڑا کرنے کی کوشش کامیاب نہیں ہوگی ،ْعمران خان کی زیر صدارت اجلاس میں فیصلہ

جمعہ 21 جولائی 2017 19:17

ْ پاکستان تحریک انصاف نے پاناماکیس کا فیصلہ محفوظ ہونے کے بعد آئندہ ..

اسلام آباد (اُردو پوائنٹ اخبارتازہ ترین - این این آئی۔ 21 جولائی2017ء) پاکستان تحریک انصاف نے پاناماکیس کا فیصلہ محفوظ ہونے کے بعد آئندہ کی حکمت عملی طے کرلی ہے اور مطالبہ کیا ہے کہ والیم دس پبلک کیا جائے ،ْسیاسی و پارلیمانی بحران کھڑا کرنے کی کوشش کامیاب نہیں ہوگی۔

(جاری ہے)

جمعہ کو بنی گالہ میں پی ٹی آئی چیئرمین عمران خان کی زیر صدارت اجلاس ہوا ،ْاجلاس میں پانامہ لیکس کیس کی تکمیل کے مختلف پہلوئوں پر تبادلہ خیال کیا گیا اور سیاسی صورتحال کا جائزہ لیا جبکہ آئندہ کی حکمت عملی پر غور کیا۔

اجلاس میں شیخ رشید بھی خصوصی طور پر شریک ہوئے۔پی ٹی آئی اجلاس کے جاری اعلامیے میں کہا گیاکہ نوازشریف کے پاس جانے کے سوا کوئی راستہ نہیں بچا ،ْوہ کرسی پہلے چھوڑیں یا سزا کے بعد فیصلہ وزیراعظم نے خود کرنا ہے۔اجلاس میں وزیر اعظم کی مبینہ طورپر دھمکی آمیز تقریر اور موجودہ صورتحال میں حکومتی وزراء بیانات کا جائزہ لیا گیا۔پی ٹی آئی اعلامیے میں والیم10پبلک کرنے کا مطالبہ کرتے ہوئے کہا کہ سیاسی و پارلیمانی بحران کھڑا کرنے کی کوشش کامیاب نہیں ہوگی۔