انسداد دہشتگردی کی خصوصی عدالت نے ایس ایس پی عصمت اللہ جونیجو تشدد کیس میں عمران خان اور ڈاکٹر طاہر القادری کی جائیداد کی تفصیلات طلب کر تے ہوئے سماعت 24اگست تک ملتوی کر دی

جمعرات 20 جولائی 2017 14:36

اسلام آباد ۔ (اُردو پوائنٹ اخبارتازہ ترین - اے پی پی۔ 20 جولائی2017ء) انسداد دہشتگردی کی خصوصی عدالت نے ایس ایس پی عصمت اللہ جونیجو تشدد کیس میں ایک بار پھر پاکستان تحریک انصاف کے چیئرمین عمران خان اور پاکستان عوامی تحریک کے قائد ڈاکٹر طاہر القادری کی جائیداد کی تفصیلات طلب کر تے ہوئے سماعت 24اگست تک ملتوی کر دی ۔ جمعرات کو انسداد دہشت گردی کی عدالت میں ایس ایس پی عصمت اللہ جونیجو تشدد کیس کی سماعت ہوئی۔

سماعت کے موقع پر مرکزی گواہ انسپکٹر غلام مصطفی عدالت میں پیش ہوئے اور بیان ریکارڈ کروایا۔اس موقع پر ایس ایس پی عصمت اللہ جونیجو امریکا میں ہونے کے باعث عدالت میں پیش نہ ہو سکے۔ مرکزی گواہ انسپکٹر غلام مصطفی نے عدالت کو بتایا کہ عمران خان اور طاہر القادری کی گرفتاری کی درخواست حاصل کی اور ایف آئی آر کی کاپی ملنے کے بعد تفتیش شروع کی میں نے واقعہ کے خلاف جے آئی ٹی بنانے کی درخواست دی اور چیئرمین پیمرا سے نامعلوم افراد کے خلاف تشدد کی سی ڈی طلب کی لیکن صرف ایک سی ڈی مہیا کی گئی ۔

(جاری ہے)

عدالت نے ایک بار پھر عمران خان اور طاہر القادری کی جائیداد کی تفصیلات طلب کرتے ہوئے کیس کی سماعت 24 اگست تک ملتوی کردی۔ عدالت نے آئندہ سماعت پر دو گواہوں کو بیانات قلمبند کرنے کے لئے بھی طلب کر لیا۔

عمران خان سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید اہم خبریں