فیصل آباد پولیس کی کارروائی، 3 منشیات فروش گرفتار ،3کلوگرام سے زائد چرس برآمد

پیر 17 جولائی 2017 23:02

فیصل آباد۔ (اُردو پوائنٹ اخبارتازہ ترین - اے پی پی۔ 17 جولائی2017ء) فیصل آباد پولیس نے تین منشیات فروش گرفتار کرکے 3کلو گرام سے زائد چرس برآمد کرلی۔ملزمان کیخلاف مقدمات درج کرکے ضابطہ کی کارروا ئی شروع کردی گئی۔ سی پی او آفس کے پولیس حکام کے مطابق تھانہ فیکٹری ایریا ، سٹی جڑانوالہ اور بلوچنی پولیس نے مختلف جگہوں پرچھاپہ مارکربدنام زمانہ منشیات فروش ملزمان خان میر ، عبدالغفاراور ریاض حسین کو گرفتار کر کے ان کے قبضہ سی3.900کلو گرام چرس برآمد کرکے مقدمات درج کر لیے۔

(جاری ہے)

تھانہ فیکٹری ایریا پولیس نے پھاٹک غریب آباد سے ملزم خان میر کو گرفتار کر کے اس کے قبضہ سی1.150کلوگرام چرس برآمد کر لی اور اس کے خلاف مقدمہ تھانہ فیکٹری ایریا میں درج کرلیا۔تھانہ سٹی جڑانوالہ پولیس نے پل شہروآنہ سے ملزم عبدالغفار کو گرفتار کر لیا اس کے قبضہ سی1.300کلوگرام چرس برآمد کر کے اس کے خلاف مقدمہ تھانہ سٹی جڑانوالہ میں درج کر لیاجب کہ تھانہ بلوچنی پولیس نے 93ر ب سے ملزم ریاض حسین کو گرفتار کر تے ہوئے اس کے قبضہ سی1.450کلوگرام چرس برآمد کر کے اس کے خلاف مقدمہ تھانہ بلوچنی میں درج کر لیا۔