ہواوے کی حیرت انگیز تشہیری مہم کا شاندار اختتام

لاہور(اُردو پوائنٹ اخبارتازہ ترین - این این آئی۔ 17 جولائی2017ء) ہواوے پاکستان کی حالیہ تشہیری مہم انتہائی کامیابی کے ساتھ اختتام پذیر ہوگئی ہے ۔ عید الفطر کے حوالے سے متعارف کرائی گئی اس مہم کا مقصد صارفین کے ساتھ رمضان المبارک کی برکتوں اور عید الفطر کی خوشیوں کو بانٹنا تھا۔ہواوے کی اس مہم کا آغاز رمضان المبارک کے وسط سے ہوا تھا جبکہ اس مہم میں صارفین ہواوے کے کسی بھی بااختیار ڈیلر سے ہوواے ڈیوائس کی خریداری کرکے قیمتی انعامات حاصل کرنے کے ساتھ ساتھ گرینڈ لکی ڈراء میں بھی شریک ہوسکتے تھے ۔

ہواوے کی اس مہم کے دوران پاکستان کے چھ بڑے شہروں میں دس تقاریب کا انعقاد کیا گیا ، اس ضمن میں لکی ڈراء کی ایک تقریب کاانعقاد 15جولائی کو بھی کیا گیا جہاں صارفین کو موقع پر سیلفی اسٹکس اور ہواوے مرچنڈائز حاصل کرنے کے ساتھ ساتھ گرینڈ لکی ڈراء کے ذریعے موٹر سائیکل اور ایل ای ڈی ٹی وی جیسے بڑے انعامات حاصل کرنے کا بھی موقع ملا ،ہواوے کے زیر اہتمام گرینڈ لکی ڈراء کی تقاریب کا انعقاد پاکستان کے تمام ہی بڑے شہروں میں کیا گیا تھا ۔

(جاری ہے)

ہواوے پاکستان کے کنٹری منیجر Bluekingکا کہنا ہے کہ ہواوے محض ٹیکنالوجی کمپنی کا ہی نام نہیں ہے بلکہ ہم سماجی و معاشرتی سرگرمیوں کے حوالے سے بھی انتہائی سرگرم ہیں اور اس مہم کے ذریعے ہم نے پاکستان میں نہ صرف اپنے صارفین کے ساتھ عید کی خوشیوں کو بانٹا ہے بلکہ انہیں قیمتی انعامات سے بھی نوازا ہے ۔ہواوے کا شمار الیکٹرانکس اور ٹیلی کمیو نکیشن انڈسٹری کے تخلیقاتی لیڈر کے طور پر کیا جاتا ہے اور پاکستان میں ہواوے مصنوعات تیزی سے فروغ پارہی ہیں اور صارفین کے اعتماد پرپورا اتر رہی ہیں۔