سپریم کورٹ کے تین رکنی بینج نے پاناما دستاویزات کیس کی سماعت کل تک ملتوی کردی، وزیر اعظم کے وکیل خواجہ حارث دلائل جاری رکھیں گے

پیر 17 جولائی 2017 14:07

اسلام آباد ۔ (اُردو پوائنٹ اخبارتازہ ترین - اے پی پی۔ 17 جولائی2017ء) سپریم کورٹ کے تین رکنی بینج نے پاناما دستاویزات کیس کی سماعت کل منگل تک ملتوی کردی ۔ عدالت عظمیٰ کے جج جسٹس اعجاز افضل کی سربراہی میں تین رکنی عملدرآمد بینچ میں جسٹس اعجاز الاحسن اور جسٹس عظمت سعید شیخ شامل ہیں۔

(جاری ہے)

پیر کو سپریم کورٹ کے تین رکنی بینچ نے کیس کی سماعت کی تو پی ٹی آئی کے وکیل نعیم بخاری ، جماعت اسلامی کے وکیل توفیق آصف اور عوامی مسلم لیگ کے سربراہ شیخ رشید احمد نے دلائل دیئے ۔

وزیر اعظم کے وکیل خواجہ حارث دلائل دے رہے تھے کہ سماعت منگل کی صبح تک ملتوی کردی ۔ خواجہ حارث نے دلائل دیتے ہوئے کہاکہ انہوں نے دومتفرق درخواستیں دائرکی ہیں ان میں سے ایک درخواست میں جے آئی ٹی کی رپورٹ کی جلد 10 فراہم کرنے اور دوسری درخواست جے آئی ٹی کی رپورٹ پر اعتراضات کے حوالے سے ہے۔ خواجہ حارث کل بھی اپنے دلائل جاری رکھیں گے۔