سپورٹس ڈیسک*
تازہ ترین : 1

سپورٹس ڈیسک*

راجر فیڈررنے ومبلڈن اوپن کا ٹائٹل 8ویں مرتبہ اپنے نام کرلیا سوئس ٹینس سٹار نے فائنل میںکروشیا کے میرین سیلک کو اسٹریٹ سیٹس میں 0-3 سے شکست دے کر معمرترین چیمپئن بننے کا بھی اعتزاز حاصل کرلیا

ومبلڈن (اُردو پوائنٹ اخبارتازہ ترین۔ 16 جولائی2017ء) سوئس ٹینس اسٹار راجر فیڈرر نے ومبلڈن اوپن کا ٹائٹل ریکارڈ 8ویں مرتبہ اپنے نام کرتے ہوئے معمر ترین چیمپئن بننے کا اعزاز حاصل کرلیا، فائنل میں انہوں نے کروشیا کے میرین سیلک کو اسٹریٹ سیٹس میں 0-3 سے شکست دی۔سوئٹزر لینڈ کے تجربہ کار پلیئر نے ایک گھنٹہ اور 41 منٹ تک جاری رہنے والے مقابلے میں حریف پر غلبہ پائے رکھا اور 3-6، 1-6 اور4-6 سے کامیابی سمیٹی۔

راجر فیڈرر نے ومبلڈن کے معمر ترین چیمپئن ہونے کا اعزاز بھی حاصل کرلیا ہے، اس سے قبل 1975 میں آرتھر ایش نے 32 برس کی عمر میں ومبلڈن ٹرافی اپنے نام کی تھی۔سوئس ماسٹر نے 35 سال 342 دن کی عمر میں گرینڈ سلم جیتنے والے معمر ترین پلیئر کے طور پر اپنا ہی ریکارڈ بہتر کیا جو انہوں نے رواں سال آسٹریلین اوپن فائنل میں اینڈی مرے کو شکست دے کر قائم کیا تھا۔ اس فتح کے ساتھ فیڈرر عالمی رینکنگ میں 2 درجے ترقی کے ساتھ تیسرے نمبر پر آ جائیں گے۔واضح رہے کہ راجر فیڈرر نی2003 میں پہلی مرتبہ ومبلڈن چیمپئن بننے کا اعزاز حاصل کیا تھا۔

مزید متعلقہ خبریں پڑھئیے‎ :

وقت اشاعت : 16/07/2017 - 22:10:35

متعلقہ عنوان :

اپنی رائے کا اظہار کریں