پاناما کیس پر سپریم کورٹ کا جو بھی فیصلہ آئے گا اسے قبول کریں گے‘ پاکستان تحریک انصاف
عوام نے (ن) لیگ کو حق حکمرانی دیا تھا حق کرپشن نہیں ،تمام اپوزیشن جماعتیں وزیراعظم کو جانے کا کہہ رہی ہیں حکمران سازش کی باتیں کرتے ہیں لیکن یہ نہیں بتاتے کہ سازش کون کر رہا ہے‘ مرکزی سیکرٹری اطلاعات شفقت محمود کی پریس کانفرنس
اتوار 16 جولائی 2017 16:30
(جاری ہے)
عوام نے (ن) لیگ کو حق حکمرانی دیا تھا حق کرپشن نہیں اور اب تمام اپوزیشن جماعتیں وزیراعظم کو جانے کا کہہ رہی ہیں۔
شفقت محمود نے کہا کہ ثابت ہو چکا کہ وزیراعظم کی صاحبزادی مریم نواز ہی لندن فلیٹس اور نیلسن کمپنی کی مالک ہیں، جن کا جے آئی ٹی کو دیا گیا خط فرم کے پاس فرانزک کے لئے گیا تو اس میں 2006 کا فونٹ پایا گیا جب کہ خط کا فونٹ اس وقت مارکیٹ میں ہی نہیں آیا تھا۔انہوںنے کہا کہ شریف خاندان کی جائیداد کے منی ٹریل کا تعلق گلف اسٹیل ہے جبکہ یو اے ای کے پاس گلف اسٹیل کی خرید و فروخت کا کوئی ریکارڈ ہی نہیں، گلف اسٹیل کی فروخت کے معاہدے پر شہباز شریف نے دستخط کیے تھے تاہم اب شہباز شریف کہتے ہیں کہ گلف اسٹیل کے معاہدے پر میرے دستخط نہیں ہیں۔انہوںنے کہا کہ عمران خان کی جائیداد کی ساری منی ٹریل عدالت میں دے دی گئی ہے، انہوں نے کائونٹی کرکٹ سے جو کمایا تھا وہ بھی سامنے آگیا ہے۔شفقت محمود نے الزام عائد کیا کہ نوازشریف ایف زی ای کمپنی کے مارکیٹنگ منیجر تھے جو کمپنی سے 10 ہزار درہم تنخواہ لیتے تھے لیکن اب کہا جارہا ہے کہ نواز شریف کمپنی کے چیئرمین اور منیجر تھے لیکن تنخواہ نہیں لیتے تھے ،ویزے کے لئے دستاویزات تیار کی گئی تھیں کیا دو بار وزیر اعظم رہنے والے شخص کے لئے اس کی ضرورت تھی ،وزیر اعظم کو اقامہ کی کیا ضرورت پڑ گئی۔انہوںنے کہا کہ جیسے جیسے فیصلے کا وقت قریب آ رہا ہے لیگی رہنما ئوںکی گھبراہٹ بڑھ رہی ہے ۔ پی ٹی آئی کا واضح موقف ہے کہ پاناما کیس میں سپریم کورٹ جو بھی فیصلہ کرے گی قبول ہوگا۔انہوں نے کہا کہ اب تو مولانا فضل الرحمان نے بھی عالمی سازش کی باتیں شروع کردی ہیں، مولانافضل الرحمان پہلے زرداری اور پھرنواز حکومت کے ساتھ رہے، لگتا ہے پی ٹی آئی کی حکومت بنی تو مولانا فضل الرحمان اس کے بھی ساتھ ہوں گے لیکن بتانا چاہتے ہیں وفاقی حکومت میں آپ کی کوئی جگہ نہیں ہوگی۔ حکومت کو سازش کی بو کہاں سے آرہی ہے اور حکومت کھل کر بتائے کہ سازش ہے کیا ،حکومت کے کچھ لوگ بہت بہادرہیں لیکن یہ کسی کا نام نہیں لیتے۔کیا متحدہ عرب امارات کی حکومت نے ان کے خلاف سازش کی ہے ،آئی لینڈ کی تحقیقاتی ایجنسی سازش کا حصہ ہی ۔ لاء فرم نے کنفرم کیا نیلسن نیسکول کی مالکن مریم نواز ہیں،خط کا مکمل جواب اس بات کی تصدیق کررہاہے،کیا موزیک فونسیکا لا ء فرم بھی سازش کا حصہ ہے،انہوں نے خط لکھ کر سازشی کردار ادا کیا،فرانزک فرم نے 2006 میں استعمال کیے جانے والے فونٹ کی نشاندہی کی،کیا یہ کمپنی بھی سازش کا حصہ ہے۔انہوںنے کہا کہ اب تو سعودی عرب میں بینک اکائونٹ نکل آیا ہے جس کا بتایا ہی نہیں گیا،ہل میٹل سے ایک ارب کہاں سے آیا ،باہر سے بلیک پیسہ لو اور ہل میٹل کے اکاوئنٹ میں جمع کراو اور وہاں سے بیٹا آپ کو بھجوا دے،یہ تو کرپشن کا بڑا آسان طریقہ ہے۔ شفقت محمود نے کہا کہ شہباز شریف چاہتے ہیں کہ (ن) لیگ کے اگلے سربراہ وہ بنیں،،(ن) لیگی وزرا کی چپقلش بھی سازش کا حصہ ہے، چوہدری نثار نے تردید کے بیانات دئیے،چوہدری نثاراور شہباز شریف کا گروپ بن چکا ہے۔ انہوںنے کہا کہ ہاں جس بات پر تشویش ہے وہ بھارت کا نواز شریف کا بہی خواہ بننا ہے،کشمیریوں کے لیے نواز شریف کچھ کہہ نہیں پاتے،جاسوس پکڑا جائے تو بھی آپ کے منہ سے کچھ نہیں نکلتا ہے، پاکستان کو گالیاں دینے والا بزنس مین آپ کا دوست ہے۔انہوں نے مزید کہا کہ رانا ثنا اللہ خود وزیر اعلی کے امیدوار ہیںوہ اس لیے ایسے بیانات دے رہے ہیں،راناثنا اللہ سانحہ ماڈل ٹائون کی جے آئی ٹی رپورٹ کی فکر کریں،آپ اس جے آئی ٹی کی رپورٹ سے بچ نہیں سکیں گے۔انہوںنے کہا کہ عمران خان پر دہشتگردی کے جھوٹے مقدمے بنائے گئے ہیں،میرے اوپر بھی سات دہشگردی کے مقدمے ہیں۔انہوںنے ناز بلوچ کے پیپلز پارٹی میں شامل ہونے بارے سوال کے جواب میں کہا کہ ان کے پاس کوئی پارٹی عہدہ نہیں تھا ۔ انہوںنے کہا کہ حکمران اس ملک پر رحم کریں اور اس کی جان چھوڑ دیں،عوام کو اور کتنا لوٹیں گے۔متعلقہ عنوان :
مزید اہم خبریں
-
سی ویو کے ساحل پر نوجوان کی مبینہ خودکشی کا ڈراپ سین ،نوجوان گھر واپس پہنچ گیا
-
سائفر کیس میں سزا سنانے والے جج کو واپس لاہور ہائیکورٹ بھیجنے کی سفارش
-
اسلام آباد ہائیکورٹ کا بشریٰ بی بی کے پرائیویٹ لیب سے طبی معائنے کا حکم
-
پاکستان سٹاک ایکسچینج میں نئے ریکارڈز، تاریخ میں انڈیکس پہلی بار 72 ہزار کی نفسیاتی حد عبور کر گیا
-
حکومت کا چینی کی ذخیرہ اندوزی اور سمگلنگ کیخلاف کریک ڈاؤن کا فیصلہ
-
پاکستان ایران نئے معاہدوں پر پیشرفت ہوئی تو پابندیاں لگ سکتی ہیں، امریکہ کی وارننگ
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.