مسافر ویگن میں سی این جی سلنڈر لگانے پر ڈرائیورگرفتار

جمعرات 13 جولائی 2017 17:25

چکوال ۔ (اُردو پوائنٹ اخبارتازہ ترین - اے پی پی۔ 13 جولائی2017ء) موٹر وہیکل ایگزامینر نے مسافر ویگن میں سی این جی سلنڈر لگانے پر ویگن ڈرائیور کو گرفتار کر کے کلر کہار پولیس کے حوالے کر دیا۔ عمیر انور نے استغاثہ دیا کہ ویگن میں سواریاں لوڈ تھیں اور اس میں دو سی این جی سلنڈر لگے ہوئے تھے، ویگن کو ڈرائیور احمد نواز ولد عمر حیات ساکن خوشاب چلا رہا تھا۔

(جاری ہے)

سب انسپکٹر غلام عباس نے مقدمہ درج کر کے ملزم کو جوڈیشل حوالات بھیجو ادیا۔ادھر سٹی پولیس چکوال کے انسپکٹر امجد بھٹی نے بھی ایک ہائی ایس جس میں دو سی این جی سلنڈر لگے ہوئے تھے اور اس کو ڈرائیور عادل ولد ایوب ساکن چوآسید نشاہ چلا رہا تھا کو اے ایس آئی شکیل احمد کے حوالے کر دیا۔ جس نے مقدمہ درج کر کے ملزم کو جوڈیشل حوالات بھیجوا دیا۔

Facebook Twitter Google + Share on Whatsapp

مسافر ویگن میں سی این جی سلنڈر لگانے پر ڈرائیورگرفتار

متعلقہ عنوان :

مزید قومی خبریں