انشاء اللہ ہماری قیادت پاناما پیپرز کیس میں فتح یاب ہو گی ،ْطلال چوہدری

قومی ادارے میچور اور آزاد ہیں اور آئین کے مطابق اپنا کام کر رہے ہیں ،ْ امید ہے شریف فیملی کو انصاف فراہم کرینگے ،ْانٹرویو

اتوار 2 جولائی 2017 13:31

اسلام آباد (اُردو پوائنٹ اخبارتازہ ترین - این این آئی۔ 02 جولائی2017ء) پاکستان مسلم لیگ (ن) کے رہنما و رکن قومی اسمبلی طلال چوہدری نے کہا ہے کہ انشاء اللہ ہماری قیادت پاناما پیپرز کیس میں فتح یاب ہو گی۔ ایک انٹرویومیں انہوں نے کہا کہ پاکستان مسلم لیگ (ن) نے ہمیشہ عدالتوں کا احترام کیا ہے اور آئین و قانون کی بالادستی پر یقین رکھا ہے۔

(جاری ہے)

انہوں نے کہا کہ مشترکہ تحقیقاتی ٹیم جے آئی ٹی کے کچھ اراکین پر تحفظات کے باوجود آئین و قانون کی بالادستی ہی کیلئے وزیراعظم محمد نواز شریف نے خود کو اور اپنے خاندان کو جے آئی ٹی کے سامنے پیش کیا۔

رکن قومی اسمبلی نے کہاکہ قومی ادارے میچور اور آزاد ہیں اور آئین کے مطابق اپنا کام کر رہے ہیں۔ انہوں نے اس امید کا اظہار بھی کیا کہ پاناما پیپرز کیس میں عدالتیں شریف خاندان کو انصاف فراہم کریں گی۔